المشاركة الأصلية كتبت بواسطة الحسين شعيب السلام عليكم ورحمة الله وبركاته ارجوا قرأة المشاركة بتاعتي للاخر لو سمحتو اولا - بصراحة احب احيي الاخ صاحب المشكلة جدا رغم عنفه في عرض وجهة نظره اللي انا قلت ميت مرة ياجماعة انه هو عنده حق فيها لانه اكتر واحد حاسس بالمشكلة وكل كلمة قالها في تحليل المشكلة عنده حق فيها واي حد فاهم فوركس ولو بسيط هيوافقني علي رايي ده ثانيا - الدكتور اسامة ورغم حبي الشديد ليه وانا قلت ده كتير برضه انا اختلف معه المره دي لو ركزنا في اساس المشكلة هنلاقي ان كل ردود الاخوة الاعضاء والاستاذ اسامة ليس لها اي علاقة بمشكلة الراجل زي ما قال بالظبط هو في حتة وانتو في حتة تانية خالص الراجل عايز يعرف 3 حاجات محدش رده عليهم من اول ما اتفتح الموضوع 1- الرد علي from# 2- الرد علي موضوع ان الاسبريد اتسع 20 نقطة يعني المفروض انه يخسر 23 مش 20 نقطة زي ما شرح هو 3 - الرد علي موضوع انه فعلا ازاي رصيده زاد المفروض يقل اقصد الفري مارجن طبعا ثالثا - الدكتور اسامة رد علي موضوع ال from# انه مستني رد الشركة طيب متقول الشركة غلطانه في دي الاول وهنستني الرد واظن يا دكتور انت اكتر واحد عارف يعني ايه from# ومردش اصلا علي نقطة 2 ورده علي الرصيد الزيادة لو مش عايزه نسحبه رابعا -ده بصراحة يا دكتور اسامة مش رد احترافي ابدا في حل المشاكل بصراحة وانا شايف انك غلطت لما سبت الموضوع علي العام ودي مش احترافية ابدا عشان واضح ان الشركة غلطانة وانت يا دكتور بتدافع عنها وخلاص وانا حاسس كدة ان لولا التورط في ترك الموضوع من الاول وكل الاعضاء شاركوا فيه ومتابعينه كان اترفع من زمان وحضرتك هدفك الاساسي من انشاء الموقع هو الربح طبعا وده مش عيب لانك محترف وشخص موثوق بيه وعارف الاعيب الشركات كويس وكدة انت بتخسر بعض الاعضاء فمن الافضل للموقع رفع الموضوع حتي لو بعد مشاركتي دي رابعا - احب اقول لكل من ينتقد الاستاذ العضيم صاحب المشكلة 1- احنا مالنا هو يعمل هيدج يدخل بلوت كبير يدخل من غير ادارة راس مال خالص يدخل بمخاطرة 100 % حتي هو حر اكيد هو عارف بيعمل ايه او مش عارف ده مش موضوعنا 2- احنا لو قرأنا المشاركات كلها تاني من ازل المشكلة هنلاقي نصها مدح في الدكتور اسامة (وانا اول واحد عملت كدة بس فعلا لاني والله بحبك يادكتور )والنص التاني ذم لصاحب المشكلة وده مش موضوعنا ممكن نفتح ورشة ( Dr_osama _ fans ) هههههههههههههههه وده الكلام المعسول اللي قصده عليه سواء من الاعضاء او المشرفين المشكلة الاساسية فين اخيرا ارجوا ان تقرأوا مشاركتي بنوع من الشفافية والموضوعية ومحدش يزعل مني والله انا بحب المنتدي ده اكتر من الفوركس نفسه وليا طلب اخير ياريت اللي موافق علي الكلام ده يدوس لايك واللي مش موافق يدوس ديس لايك عشان ادارة الموقع تعرف وكلمة اخيرة للاستاذ صاحب المشكلة والله قد ايش انت عظيم والله انا لو مكانك كنت سكت من اول رسالة من الدكتور اسامة بس فعلا ما ضاع حق ورائه مطالب وانا اتعلمت منك كتيييييييييير جدا تقبلوا خالص تحياتي وتقديري اهلا بك اخى العزيز.. شكرا على نقدك البناء و لا نزعل اطلاقا من اى نقد و لكن كرد سريع قبل وصول رد الشركة اليوم او الغد. 1- بخصوص #from فانا بالفعل لا اعرف..لا استطيع ان اقول انها اغلاق يدوى فهذا امر مضحك بالنسبة لى..على ان ارى تقرير الشركة قبل ان احكم هل هى محقة ام لا و هكذا تدار المواضيع و ليست بالعواطف و الصداقات. 2- السبريد لم يرتفع 20+3 و لكن السبريد اجماليا كان 20 نقطة..فقط قال الدكتور عمر هذا الكلام و انت رددته مباشرة دون حتى ان تكلف نفسك عناء النظر للصورة المرفقة و قمت بعمل مشكلة جديدة منها. 3- موضوع الحساب برضه حيكون من تقرير الشركة..انا لا اعرف الحساب كان فيه كام قبل الصفقات و كان خسران اد ايه قبل ارتفاع السبريد و لا عدد العقود و متوزعة ازاى..ازاى اقدر احسب حاجة انا مش معايا بياناتها و بطالبنى ليه باكثر ما هو من طاقتى.. لقد طلبنا تحليلا للحساب من الشركة اليوم و ننتظر وصوله بحلول مساء الغد او فى اقرب وقت.. اخى العزيز..نحن لسنا فى معركة بين طرفين و لو كنا مطبلاتية و مدافعين عن الشركة ما كنا تركنا الموضوع يتم فتحه و استرسلنا فيه لهذا الحد.. الفارق اننا لا يوجد لدينا من نخشاه و لهذا نوافق على فتح اى مواضيع فى اى وقت و التواصل مع الشركة و لكن يبدو ان هذا الامر غريبا على اغلب من المنتديات و متابعينها حضرتك معرفش ازاى انت امنت ان الشركة مخطئة و انا بدافع عنها و خلاص و انى عارف كل حاجة و مخبى..طيب مانت كده بتظلمنى و بتظن فيا السوء و اسهل ما لدى اى مدير موقع انه يطير المواضيع و الناس بكرة تنسى لكن احنا مش كده خالص و يمكن عشان ارابيا جديدة شوية عليك فيمكن يكون الامور دى مش واضحة ليك و للكثير من الاخوة.. ترك الموضوع فى العام هو ابرز نقاط الشفافية و الاحترافية فلو لدينا ما يشين و لو كنا مدلسين او مطبلاتية لم نكن لنفضح انفسنا على قارعة المنتدى و لقد طلب منى الاخ هذا الطلب عبر المراسلات و لا توجد لدينا ادنى مشكلة فى هذا.. تذكر ان تم فتح الموضوع يوم الجمعة و السبت و الاحد اجازة و لسة امريكا بتقول يا هادى فانت بتسمع من طرف واحد و بتقول امين اما الطرف الاخر لسة يادوب صاحى ارجو برضة ان تتقبل هذا بصدر رحب.. و ان متابع الموضوع مع الشركة و حتى يصل الرد ساكون من المتابعين تقبل تحياتى