السلام عليكم
الحكاية زى ماتكون فيلم وكل شوية يتعاد
يجى واحد عنده فكرة كويسة أو مصدر توصيات كويس أو يكون تحليله نتايجة كويسة ويفتح موضوع علشان يفيد الناس بيه
وتبتدى الناس تتابع الموضوع وتحقق نتايج كويسة
وفاجئه
نلاقى ناس ( الواحد مش عايز يغلط فيهم ) ميفرقش معاها الموضوع ولا صاحب الموضوع ولا الناس اللى بتابعه ويبتدوا يقرفوا فينا ويشككوا فى التوصيات اللى حاطط التوصيات ولأ لأ ماتبعش ولأ لأ ماتشتريش ده التوصية دى غلط ده تحليلى اللى عمره مابيغلط بيقول غير كده وهم ولا يفرق معاهم حد وولا عايزين مصلحة حد بس هى كل الحكاية عبارة عن شو بيحبوا يعملوه
وبعد مايتقفل الموضوع بسبب المشاكل أو إن صاحب الموضوع يزهق من كتر التعليقات السخيفة والردود المستفزة الناس ترجع تقول ياه كان موضوع حلو والله
وبالنسبة ليك يا كريم أنا عايزك تعرف إن فى ناس كتير هنا بتقدرك جدا وبتحترمك جدا وبتدعيلك بالغيب والله و بتقعد قدام الكمبيوتر طول اليوم تعمل كل شوية ريفرش للموضوع مستنين التوصيات اللى هاتنزلها
لو كان ده مش كفاية بالنسبة ليك فاقفل الموضوع ولو كان هو ده اللى أنت بتنزل التوصيات علشانه فامتهتمش بالناس اللى ماتعرفش غير إنها تحبط الناجحين اللى مش عارفين يبقوا زيهم