صراحة لفت نظري هذا الموضوع وقرئته تقريبا كله
اشكر دكتور اسامة واف اكس ارابيا علي مثل هذه المواضيع والتي لا نراها في اي منتدي اخر ويكون مصيرها الحذف قبل ان تكتب
ولكن عندي بعض الملاحظات علي اراء الاعضاء او من شارك في الردود
اسف في بداية الكلام ان كان كلامي حيضايق حد بس دي وجهة نظري وحبيت اشارك بيها معاكم ان سمحتولي
1- اسلوب عرض الموضوع من صاحب الموضوع سئ جدا ( من وجهة نظري ) و يعني حضرتك حسابك كان 12 الف علي ما اتذكر وبعد الهيدجات فاضلك 500 وشوية دي في حد ذاتها كارثه وضرب بكل قواعد ادارة راس المال
ولاحظت ان حضرتك بتقول اني لدي استراتيجية للهيدج بتشتغل بيها وكأنك بتوصل للناس رسالة عشان محدش يقولك انت جاي تتكلم بعد مخسرت حسابك فبتقدملهم اني لدي استراتيجية عشان يعني ال12 دول حرجعهم تاني وماهو الهيدج الا ايقاف للخسارة زي ما كلنا عارفين دي نقطة صراحة شدت انتباهي جدا
ولكن هذا لا يمنع باي حال ان تعرف سبب ما حدث لك ومطالبتك بحقك اكيد هذا امر مسلم به ولكن رأي الموضوع واخد اكبر من حجمه كتير اوي واي حد فتح صفقة وخسرها حيقلك دي شركة نصابة ماهي فرصة بقي
احملك الخطأ 90% واحمل الشركة او البنك المزود لها 10% هذا رأي في هذه النقطة
2- اسعدني تكاتف معظم الاعضاء خلف المشكلة ومتابعتها والابقاء علي الموضوع من قبل الادارة
3- احزنني من وجدتهم يستنهزون الفرص للتشهير لاغراض شخصية او اي حد كان فاتح حساب مع الشركة ولم يوفق في التداول فوجد من مثل هذه المواضيع فرصة انه يطلع غله فتلاقي ناس كاتبه عمال علي بطال وبالتالي جوهر الموضوع او
المشكلة يتيه وسط الكلام .... هل انا كعضو مثلا واريد ان اتصفح موضوع كهذا بكمية المشاركات دي الغير مجدية سيكون الامر بالنسبة لي سلبي ام ايجابي؟؟؟
4- لاحظت ايضا رد لعضوة وهي تقول الان شركة اف اكس دي دي بقت كلها مشاكل ( بنوع من الاستغراب ) ؟؟ صراحة عندها حق وده جاي من سرد الموضوع وردود الاعضاء للاسف مع اول خسارة لاي حد اول شئ
بيقوله ياعم دي شركة نصابة او حرامية
5- شئ اخر ضحكني جدا صراحة ناس كتير بتاجر مع اف اكس دي دي وغيرها من شركات اخري بدون ذكر اسماء يفتح حساب مع الشركة ويشتغل معاها لشهور بل وسنين كثيرة وبيحقق معاها ارباح وبيسحب وعال العال
تيجي تسأله عن شركة اتداول معاها يقولك ادخل مع كذا دي شركة بقي من الاخر ده انا فاتح حسابي معاهم من 1000 خليتهم 10000 وكأن الشركة هي التي تتاجر وليس المتداول شئ مضحك
عشان هو كسب بقت الشركة افضل شركة في العالم وعلي النقيض واحد فتح حساب ب 1000 دولار وخسرهم واودع كمان 1000 وخسرهم تيجي تسأله عن الشركة اللي شغال معاها يقولك انا بحذرك منها دي عالم نصابة ياعم
يا سيدي عالم نصابة ولا انت اللي السوق اكبر منك ومش عارف تتداول؟؟؟
حتي لا اطيل عليكم اتأسف لو كلامي حيزعل مني حد بس رأي وقلت اقوله طالما النقاش مفتوح للجميع
اشكر ادارة المنتدي علي ابقاء الموضوع وكلي يقين انكم تتابعون الامر وده باين من ردود دكتور اسامة
واتمني حل الامر لصاحب الموضوع علي خير باذن الله
وطلب من الاخوة الاعضاء ماتوهوش جوهر الموضوع لان هذا يضره ولا ينفعه وحتي يكون الامر واضح للجميع ولا يوجد مشاقة في قرائته ومتابعته
التوفيق للجميع