 |
 |
|
 |
|
كلامكم جميل وصح بس فى حاجه انا مقتنع بيها بصراحه ان لما احب اعرف حقيقه حاجه او قوة استراتيجيه لازم اختبرها تحت اصعب الظروف انا كان استراتيجيات بختبرها بحساب 10 دولار بس مش 100 دولار يعنى الاستراتيجيه دى انا كارمها اوى يعنى  .... اضافه انتوا ليه واخدين ان 10 صفقات دى قاعده شبه ثابته وان ماينفعش اطبقها على صفقه واحده واخليها تنجح وكمان على حساب 50 دولار مش 1000 ...بصوا اسلام كان قال كلمه انا مقتنع بيها من زمان ان الفوركس مش جامد ولا ثابت
المهم بقى ادخل فى المهم : انا لاحظت حاجات وعاوزكم تراجعوا الصفقات اللى كتبتها لعل اكون غلطت فى شئ سهوا ....لاحظت ان الصفقه دى كانت عكس السوق تقريبا بنسبه 85% من الصفقات ... يعنى لما ادخل بيع السوق يكون شراء والعكس بالعكس ... فا لازم نتفادى الجزء دا لاكبر درجه ممكنه ....فا لازم يكون فى فلتر تانى علشان احدد بيه هل اكمل المتواليه ولا لاء ...يعنى انا دخلت شراء بيع شراءبيع ..... لازم يكون فى فلتر يقولى الصفقه اللى انا هدخلها دى ولنفترض ان الصفقه السابقه كانت ناجحه فالصفقه الحاليه دى هل ادخل بيها لوت مضاعف ولا ادخل لوت عادى لان فرصه نجاح الصفقه دى قليل فالبتالى انا تفاديت جزئيه انى ادخل مضاعف والسوق يعكس عليا وفى اى صفقه اكون متأكد ان السوق هيكمل فى اتجاهها بشكل مقبول ادخلها مضاعفها وتبقى الصفقات اللى فاتت مكسب ونعتبرها مش موجوده ونكمل المتواليه بتاعتنا عادى ....دا شئ ....حاجه تانيه انا عاوز ادمجها مع الاوردر فلو وهيتم تغيير بعض الاشياء فيها فا ياريت لو فى ناس فاهمه فى الاوردر فلو تكلمنى خاص او هنا علشان ندمج بين الاتنين وصدقونى لو دا حصل ( اوردر فلو+ مضاعفات ربح + نسبه امان كبيره+نظره عميقه للسوق والدخول مع صناع السوق) اكاد اجزم ان دا مممكن يكون الحل السحرى للربح من الفوركس زى مابيقولوا وبارباح كبيره ان شاء الله فا ياريت لو تساعدونى فى الموضوع دا
ملحوظه: لو قدرنا نفعل الاستراتيجيه على صفقه واحده وانجاحها وبحساب صغير لكم ان اتتخيلوا مدى ربحها مع 10 صفقات وحساب 1000 دولار ....وهنبقى كده تفادينا جزيئه الصفقات الخاسره الى حد كبير وقللنا عدد الصفقات الخاسره كتير جدا ...
اتمنى تكون وجهه نظرى وصلتلكم
تحياتى |
|
 |
|
 |
سيدي الفاضل
اولا تقبل تحياتي
ثانيا كل الكلام اللي انت بتقوله جميل ومفيش احلي منه
ثالثا المشكلة ان احنا لو نعرف نطبق الكلام اللي انت بتقوله
ونعرف نحدد اتجاه العملة ما كنا فكرنا في هذه الطريقة
رابعا ان الاستاذ اسلام بيقول الطريقة دي للانسان اللي مش فاضي يضيع وقت قدام الشارت
هو 10 دقايق في اليوم وخلاص والناس اللي ملهمش في التحليلات ووجع الدماغ ده
بدل ما اقعد بالساعات في التحليل الفني ونسبة نجاحة من فشله مش معروفة
خامسا وده المهم ان الاستاذ شادي ليه بينبهك علي اهم نقطة وانت مش بتعملها
هي ال 10 او ال7 اوال 5 صفقات اللي بتعملهم يوميا
(علي فكرة مش لازم العشرة رقم ثابت ده الاستاذ اسلام بيقول ان اللي عايز يشتغل ب 1000 دولار
ممكن يدخل لحد عدد صفقات 10 ويبقي في امان)
ليه بندخل بعدد صفقات كتيرة عشان لو دخلنا بصفقة واحدة اللي هي لنفس الساعة كل يوم لو الاتجاه العام هابط
وكان حظي السيئ كان الهبوط بيكون في الفترة اللي انا داخل فيها لكذا يوم شراء
والتصحيح او الصعود بيكون في الفترة اللي مبدخلش فيها كدة هتخسر طبعا
عشان كدة احنا بندخل مثلا عشر صفقات كل صفقة في بداية كل ساعة
عشان السعر مستحيل لمدة 10 ساعات يفضل في اتجاه واحد
ولو حصل يوم مستحيل يتكرر تاني يوم لنفس العشر ساعات
ولو تكررتاني يوم لنفس العشر ساعات يبقي مستحيل تالت يوم يعمل نفس الحركة
لنفس العشر ساعات .................... وهكذا
وركز في كلمة مستحيل دي عن تجارب
لذلك بكون في صفقات كسبانة وصفقات خسرانة يوم يكون الصفقات الخسرانة اكثر في المضاعفات و يومين او 3 الكسبانة اكثر في المضاعفات اي ان الصفقات الكسبانة خلال السبوع كله مثلا اكتر من الخسرانة لنفس الاسبوع
اخيرا صدقني يا صديقي الطريقة دي طريقة سحرية وامنة للناس اللي مش عندها وقت لمتابعة الشارتات
هما 10 دقايق او 5 او 7 دقائق علي حسب عدد صفقاتك اليومية
ولو خضرتك قمت بتجربتها علي حساب تجريبي ب 500 وعدد الصفقات 5 بس مش اقل من ذللك ممكن 4
هتحس بالفرق اللي احنا قصدنا عليه او اعملها باك تيست يدوي لمدة شهر اي شهر يعجبك
صدقني علي اقل تقدير واسوأ الحظوظ ستقوم بمضاعفة حسابك كل ثلاثة شهور علي الاكثر
ارجوا ان تكون الرؤية دلوقتي اوضح ومجهودي يكون وصلك
لان انا كنت داخل انام و اول ما شفت مشاركاتك قلت لازم ارد عليك قبل ما انام عشان اوضحلك الرؤية وليا بالضبط ساعة بكتب في المشاركة دي
لو سمحت ركز فيها شوية وان شاء الله هتعجبك اما لو حضرتك شاطر في انواع التحاليل المختلفة للعملات وعندك وقت لمتابعة الفوركس وقت طويل يوميا فالطريقة دي مش لحضرتك او ممكن تستخدمها بجانب صفقاتك لضمان ربح في حالة فشل التحليل
تقبل تحياتي وتصبحوا علي خير