سلام عليكم
انا اول مره ادخل الموضوع بصراحه واقرأه الفكره مثيره وجميله واحب اشكر الاخ اسلام على الاستراتيجيه وعلى فكره وعلى حبه لغيره وحبه لمساعده غيره .... لكن اسلام اسمح لى انى انتقد الاستراتيجيه ( ليس من باب الانتقاص من حقك او حقها ) لا سمح الله ولكن من باب تحسين أدائها وفهمها بشكل اكبر واحسن فا خلينى احكيلكم انا عملت ايه امبارح لما شوفت الموضوع وقرأته
سألت صديق ليا خبير فى الفوركس قالى انها اشبه بالقمار ودا اللى انا لاحظته من اول سطر قرأته انى شغال بشكل غير علمى ( يمكن اكون فاهم غلط ارجو التوضيح) اضافه ان صديقى لفت نظرى لحاجه مهمه جدا ألا وهى ان السوق ليس له ذاكره قصيره المدى بمعنى ان ممكن نفضل نضاعف 30 يوم ورا بعض ( و 30 يوم ليست بالفتره الطويله جدا) مافيش مايمنع دا ....اه انا فاهم ان كل مابضاعف كل مابتزيد نسبه ربحى ربح كبير .... لكن السؤال لغايه امتى الحساب هيستحمل مضاعفات ورا بعض بدون ربح واعادة تصفير العداد والبدايه من الاول.... طب تعالوا نجرب كده (.01-.02-.04-.08-.16-.32-.64-1.28-2.56-5.12) دى بس مضاعفات عشر مرات بس ورا بعض مش هنقول 30 مره
طيب تعالوا نحسب كده يعنى احنا مبدأيا بيتشال من حسابنا تمن حجز العقد تمام ومع كل مضاعفه المبلغ برده بيتضاعف ماشى لغايه هنا ... يعنى انا شغال على رافعه ماليه 400 العقد فيها ب 3.35 لو افترضنا اننا شغالين على 400 ودا كتير والاخ اسلام كان قايل فى اول الموضوع انه شغال على 100 بس ...طيب ...يعنى كده عقبال ماوصل للعقد العاشر ابو 5.12 دا هدفع ( رافعه ماليه 400) 1715.2 دولار لحجز العقد الاخير بس ...وهتكون النقطه وقتها ب 51.2 دولار .... يعنى لو خسرت ال 9 صفقات اللى فى الاول كلهم وكسبت العاشره بس تعالوا نشوف ايه اللى يحصل
احنا متفقين ان الاستوب 10 والتيك 20 تمام ...تعالوا نحسب ال 9 صفقات خساره ...اول صفقه خسرت دولار والتانيه 2 والتالته 4 والرابعه 8 والخامسه 16 والسادسه 32 والسابعه 64 والتامنه 128 والعاشره 256 تعالوا نجمع ( 1+2+4+8+16+32+64+128+256 = -511 دولار خساره ) والعاشره هتعوض دا كله لان النقطه ب 51.2 * 20 نقطه = 1024 نطرح منهم 511 يعنى 1024-511= 513 دولار ربح جميييييل اوى ( بس ماتنسوش اننا شغالين رافعه ماليه 400 ) يعنى اللى شغال 200 ربنا يكون فى عونه واللى 100 ربنا يرحمه ويحسن اليه الفتحه على روحه 
كان راجل أمير 
... حاجه كمان يبقى الاستراتيجيه دى ماتنفعش للحسابات الصغيره والمتوسطه يعنى انت عاوز 10 ألآف دولار كحد أدنى برافعه ماليه 400 علشان تشتغل وانت ( الى حد ما ) مستريح نفسيا شويه دا لو افترضنا انها مش ((( قمار))) وان الاعتماد فيها على الحظ .....ارجو قرائه مشاركتى وافاداتى بالنقط الغائبه عنى وتوضيحها وشكرا جزيلا ليكم