دا نظام اسمه الخيرات الثنائيه ... باختصار هو نظام رهائن .. يعنى مثل انك بتراهن على سباق خيل او اى شى هنا فى الفوركس الرهان بيكون على سعر زوج معين لمده معينه
بعطيك مثال بسيط .. سعر اليورو دولار الان مثلا 1.3400 .. انتى مثلا محلل كويس وشايف ان سعر اليورو دولار لن يصعد اعلى من 1.3420 لمده 3 ساعات . فبتراهن مع الوسيط بتاعك لو السعر طلع اعلى من 1.3420 قبل 3 ساعات انتى بتخسر الرهان لو السعر فضل تحت 1.3420 لمده 3 ساعات انتى بتكسب رهانك .. مش مهم هنا السوق اتحرك كام نقطه المهم هو اعلى ولا اقل من السعر اللى متراهنين عليه انتى والوسيط ..
قيمه الرهان بيكون متفق عليه قبل ما تبدا الرهان .. مثلا ممكن يكون الرهان بنسبه 70 % دا معناها لو انتى مراهن بالف دولار . ياما تكسب 700 او تخسر 1000
انا حاولت ابسطلك الامور قدر استطاعتى .. لكن اخى دا نظام كبير وبحر كبير والوسطاء بتوعه مش مشهورين فى العالم العربى .. ناهيك عن انه ملهوش اى وكلاء او مروجين عرب والسبب لانه الجميع قال انه حرام ..
ايضا قال جميع من ناقش الموضوع انه حرام او به شبه حرام . ولكن انا شرحتلك فكرتها من منظور مجرد ولا اريد ان اتطرق للحرام او الحلال .فالحلال بين والحرام بين وانا لست اهل للفتوى . ولكن اذا عزمت على الدخول فى طريق الخيارات الثنائيه انصحك التاكد الاول وبشده من مطابقتها للشريعه الاسلاميه ..