ياحلو
ياحلو
ياحلو
ياحلو بانت لبتك اول مادابت قشرتك تحرم عليا محبتك وانا راح اتوب عن سكتك
اولا:انتا لست جاهز بتاتا البتة للحساب الحقيقى ولو عملت زى واحد كده اعرفه هنا فى المنتدى ودخلت على الحقيقى مهما كسبت مصيرك ياملوخية تيجى تحت المفرمة وتلاقى ارباحك بحسابك طايرين ده اولاا
وثانيا: من الواضح من البوست اللى انتا نشرته سابقا انك مبتدء فى الفوركس
ثالثا:النتائج اللى انتا محققها عادية جدا وليس لها قيمة واى حد يستطيع انه يعملها لك فى صفقتين فلاتدع حجم اللوت يخدعك ياصديقى
رابعا:يوم او اسبوع او اسبوعين غير كافيين للحكم عليك انتا محتاج شهر على الاقل ياما جربت استراتيجيات وكانت بتجيب نتايج هايلة اول اسبوعين وفى الاسبوع التالت كان بيتنسف بيا الارض
خامسا:ياما كنت بجرب استراتيجيات وكانت الصفقات اللى بعملها فى يوم واحد كلها بتكسب واجى تانى يوم انضرب
سادسا:ياما استعجلت ودخلت على الحقيقى باستعجال فكانت تأأتى الارباح تليها الخسارة التى تبتلع الارباح وجزء من الحساب
سابعا:اذا كنت مصر على الدخول على الحقيقى فعليك فتح حساب سنتى صغير او تجربة المتاجرة ببونص من شركة agea او FBS او مش فاكر
ثامنا:لاتتوقع انك فى خلال شهرين او 3 هتحترف الفوركس انا بقالى 11 شهر ولسة بتعلم واصلا قربت ايأس وبعمل محاولات اخيرة للكفاح او الخروج على المعاش لان صحتى فى خلال ال11 شهر تدهورت وبعد ان كنت 60 كيلو جرام اصبحت 88 كيلو جرام بكرش كبير بسبب الضغط العصبى الذى سببه الفوركس لى
تاسعا:الفوركس مهنة خطيرة ولا تضع فى ذهنك ان الفوركس سوف يوصلك للمليون فالمليون يحتاج سنوات من الخبرة
عاشرا: عليك بتجربة طريقتك لمدة شهر على الاقل فاذا وجدت فى نهاية الشهر ارباحك اقل من خسائرك فاذا انت جاهز للحقيقى
الحادى عشر: مش فاكر بس اما هفتكر هقولك