لماذا القنوات الرقمية ..
لأنك ياصديقى ان اتبعت المؤشرات ستصاب بصدمة كهربية وتنهار أعصابك !!!
تدخل تشترى تلاقى السعر عكس عليك تقول بس يبقى زوج العملة هابط
تقوم تدخل تبيع تلاقيه راح طالع ...ايه ده ...هى البنوك المركزية بتحاربنى ولا ايه !!!
وتقعد متغاظ جدا لان كل اسعارك سواء اللى بعت او اشتريت كان زمانها مكسباك !!!
طيب ايه اللى حصل ...ابدا ..كل الحكاية انك حطيت 100 دولار وصحيت الصبح
عاوز توصلهم 1000 دولار فى يومين !!! تقوم داخل الصفقة بدولار ..
طبعا السعر اول مايخوفك بس تلاقيك قمت قفلت الصفقة ..ليه
لأنك مش حاسس بالأمان ..لكن لو داخل صفقة ب 10 سنت قيمة النقطة
ولا هايهمك انت داخل مع الإتجاه وهاتكسب ان شاء الله
طيب تعالى نحسبها هو سعادتك لو دخلت مع الإتجاه وحسابك ب 100 دولار
وعاوز تكسب 5 % فى الصفقة وتقفلها ..يعنى عاوز 50 نقطة
اعتقد ان اغلب العملات بتعملها ...سهلة يعنى مش صعبة
ال 100 دولار الصفقة الميكرو هاياخد منك نقول 5 دولار هايتبقى ليك 95 دولار
ال 95 دولار يمثلوا 950 نقطة ...يعنى زوج العملة علشان يطلبك فى المارجن كووول
عاوز يعكس عليك 950 نقطة ...
طيب الحساب اللى ب 100 دولار لو اشتغل يكسب 5 % لمدة 200 مرة
يعنى نقول كل اسبوع بتعمل صفقة مش كل يوم ..يبقى حوالى 4 سنوات
يوصل حسابك كام ...بالشغل الساذج اللى انت بتعمله ده
ماهو انت عاوز 50 نقطة طول الأسبوع ...
يوصل الحساب الى 1729258 ...مليون و729 الف و 258 دولار !!!!
طبعا بعد كدة لما الحساب هايكبر هاتكون محتاج نقاط اكثر لكن بنفس نسبة المخاطرة هاتشتغل
مبلغ زى ده يخليك تشتغل بأسلوب القنوات الرقمية وتحدد اتجاهك بصورة صحيحة
وتعمل فى صمت ...
لكن انك داخل عاوز تحول ال 100 دولار ل 1000 فى يومين
.عادى هاتحولهم ل 30 الف وهاتخسرهم
طالما عامل نسبة مخاطرة عالية هاتخسر هاتخسر ..
مش مهم انك تكسب يوم او اسبوع او شهر ..
المهم انك تعرف تحافظ انك تكسب على طوول
ليس من المهم كسبت كام ...بل الأهم كسبت إزاى
...هو ده مكسبك الحقيقى
معرفة طريقة واضحة للمكسب ...
هاتعتمد على التحليل الفنى أكيد هاتخسر ...
يعنى انت رايح تحارب البنوك المركزية
حول العالم بأدوات هى من صنعهم ...
ده هو عاملك الحاجات ديه مخصوص علشان يخسرك
علشان كدة حاول ان تفكر بطريقة أخرى ...
وخد من التحليل الفنى مايؤيد طريقتك
لكن لا تعتمد عليه ..ولا تفتح شارتات ربع ساعة ونص وتلك الأفتكاسات ....
ادرس وتعلم ....وستصل ان شاء الله