بسم الله الرحمن الرحيم اعضاء موقع اف اكس اريبيا طبعا متستغربوش من اسم الورشه الربح المضمون انا معاكم ان مفيش حاجه اسمها ربح مضمون فى الفوركس ولكن عندما تمتلك استراتيجيه تجبرك على ان تعترف ان هناك ربح مضمون فى الفوركس حاضر هقولك والله سمعتك عارفك مستعجل تعرف ايه هى الاستراتيجيه السحريه دى ياباشا استراتيجيه عاديه زى اى استراتيجيه مفهاش لا سحر ولا عفريت بس السحر هيكون عندك انت لما تستخدم الاستراتيجيه دى الاستراتيجيه دى عباره عن قنوات سعريه وخبرتك فى الشموع اليابانيه بس كدا !! اصبر عليا بس دى اساس الاستراتيجيه لكن احنا طبعا قلبنا مش جامد بصراحه وساعات بنتردد فى دحول الصفقه لذلك احنا هنستخدم تحليل كلاسيكى وكروسات للتأكيد مش اكتر عشان ندخل الصفقه وانت فى بطنك بطيخه صيفى انا لسه مفهمتش بردو حاضر دلوقتى احنا هنرسم قناة سعريه على فريم الساعه تشمل يوم كامل وهنرسم قناة سعريه على نفس الفريم بردو ولكن تشمل يومين الصوره توضح كلامى زى مانتو شايفين الاسبوع اللى فات على زوج اليورو دولارالسعر دخل فى منتصف القناة الكبيره عمل مقاومات ودعوم فدخل فى القناة الصغيره واخترقها من اسفل هيكمل هبوط كمل هبوط واخترق القناة الكبيره من اسفل بردو يبقى مبروك عليك ياباشا الزوج ده هابط هابط وزى مانتو شفتو بالفعل الهبوط الفظيع اللى حصل على الزوج ده فى الاسبوع اللى فات طيب هل معنى كده انى ادخل الصفقه دى وانا مطمن لا استنى ياباشا احنا قلنا ايه فى الاول قلنا لازما نتأكد بحاجات تانيه عشان منكسرش الجهاز لما نخسر ايه هى الحاجات التانيه دى بقى هنعمل نفس اللى عملناه على فريم الساعه لكن هنعمله على فريم الاربع ساعات وهنرسم القناة الصغيره لمدة اسبوع والقناة الكبيره لمدة اسبوعين وهنبص على فريم الساعه لقينا السعر اخترق وهابط وعلى فريم الاربع ساعات نازل فى منطقة دعوم على القناة يبقى انت كده ملكش حجه بصراحه ده السعر قرب يشتكى منك اذا مدخلتش بيع عليه طيب وايه علاقة الشموع اليابانيه فى الموضوع وهو حد يقدر يستغنى عن الشموع اليابانيه ده هى الكل فى الكل بمعنى ان لو فيه شمعه انعكاسيه على فريم الساعه تدل على هبوط ودخلنا على فريم النص الساعه لقينا مقاومة شديده فكونت شمعه هابطه يبقى كده يامعلم ادخل بيع على السعر وانت مطمن طيب بالنسبه لادارة الماليه هندخل بالنسبه دى )1\2500( مع العلم ان احنا هندخل على معظم العملات اول لما نلاقى فرصه طبعا اما بالنسبه للاستوب فاحنا هنا هنستخدم استوب غريب شويه غير معظم الناس الاستوب هيكون اغلاق يومى او اغلاق على فريم الساعه عشان كده التزم بنسب اللوت فى ادارة حسابك ربنا يوفقكم ياشباب وربنا مبيضيعش تعب اى انسان وهنتقابل مع اول توصيه ان شاء الله