حكى لى صديقى انه قد فقد كل محفظته الاستثمارية فى الفوركس
فقلت له هى كانت كام ..فقال كانت 10000 دولار
فقلت له ليه ..فقال لى الأسترالى / دولار ..منه لله خسرهم لى
فقلت له امتى ..فقالى وهو 9700 اشتريت راح نازل روحت خسران ال 10 الاف
وكدت ان افقد الوعى ..وقلت له كيف هذا ده انت لو اشتريت
عقد استاندر النقطة ب 10
الأسترالى لم يهبط 770 نقطة بأعتبار ان الهامش مثلا 2300
فقال لى آه ماهو انا دخلت عقود مجموعهم النقطة الواحدة ب 100 دولار !!!!
وصعقت ...ياخبر ...ليه ياعم الحاج ...قاللى هذا ماحدث
ومش عارف اعمل ايه ...الفوركس ده خراب ومش حلو
فقلت له هو انت لو كنت اشتريت صفقة مينى بقيمة النقطة بدولار
عند 9700
ايه اقصى خسارة ليك !!!
فقلت له طيب ممكن تجيب اقل رقم ليه ...
بحث وفتش وقالى ده جاب 8848 فى شهر 7 اللى فات
قلتله طيب هات اعلى حاجة وصلها الشهور اللى فاتت ..
بحث صاحبنا وفتش فوجد فى شهر 6 سنة 2011 جاب 11080
فقلت له شرائك صحيح ..ولكن اشترى على مراحل ..
ياسيدى مش هاقولك هايوصل ل 11080
هاقولك هايوصل 10100 تمام ..
يبقى هاتشترى وتعمل متوسط فيه وطول ماهو فوق ال 8848
مفيش اى مشكلة ...طيب عاوز تعمل لنفسك ايقاف خسارة عند 8750
يبقى فرضا انك شارى على خلاف التحليل الفنى
لكن فى نقطة قريبة من ادنى نقاط القناة
يبقى اقصى خسارة ليك 1000 دولار ان كسر ال 8750 يعنى 10 % من حسابك
وياسلام بقة لو قسمت الدولار ده على 5 صفقات على متوسطات مختلفة ..
يبقى سعادتك داخل صفقة ممكن تخسرك مابين 6 الى 8 %
فنظر لى وقال ايه ده هو هايروح 8750 ..
فقلت له ياسيدى انا بفترض ان استراليا ولعت
بجيب ليك الأسوأ علشان تكون مستعد لأى شئ
وتفعل ذلك مع زوج عملة آخر وليكن مثلا الباوند / دولار
وممكن تفعله مع الدولار / فرنك
طبعا بيفضل الأزواج اللى تحركها ورينجها معقول ...
ثلاث ازواج عملات سعادتك جايب اقل ارقامهم على مدى
سنة او اتنين او ثلاثة على حسب
وتشترى وتترك الصفقة ...أو تعمل طلبات معلقة عند أسعار انت
شايفها مناسبة ليك
طيب حسابك ب 1000 دولار يبقى صفقات ب 10 سنت فقط لا غير
إذا الفكرة ليست متابعة الأخبار من هنا وهناك ...وتجرى وتلهث ...ليه كل ده
هات ارقام زوج العملة ومش لازم ياسيدى تبيع على الأعلى وتشترى على الأدنى
انت لست ساحرا ولن تكون ...لذا اشترى او بيع على مراحل
..بس اعرف السعر فين من القناة
ده اللى مفروض تدركه جيدا ...