السلام عليكم اخواني وشكرا كتير ليك اوشي على التشجيع اخواني المبتدئين امثالي انا اخوكم نادر السوداني مبتدئ في مجال الفوركس خبرتي العملية لا تتجاوز ال 6 شهور ولي حوالي سنة كاملة بتعلم ولغاية الان بتعلم وجربت العديد من الاستراتيجيات وشتت افكاري واتلخبط كتير وطبعا حال كل مبتدئ قبل ما ابدى في فهم الاستراتيجة عندي ليكم بعض الملاحظات الرجاء قرائتها 1-اكيد جربت استراتيجيات كتير ومنها الاستراتيجيات البتعتمد على التقاطعات وظهور الاسهم والمؤشرات الفنية وبتلاقى صاحب الاستراتيجية محقق نجاح وانت اول ما تشتغل بيها تخسر ليه؟؟ لان صاحب الاستراتيجية بيعرف يتصرف وعارف نقاط ضعف الاستراتيجية وبرضو بيكون ملتزم بشروطها والعيب الاكبر في النظام دا انك بتتبع مؤاشرات تتحرك وتتفاعل مع حركة السعر طيب ما سالت نفسك ليه ما اتبع السعر انا واسيب المؤشرات دي؟؟ المغذي من كلامي انو في اي استراتيجية ما نعتمد على المؤشرات نعتمد على تحليلنا ونفلتر بس بالمؤشر 2- الفرق بين المتاجر المحترف والمتاجر المبتدئ اللي اتعلم السوق ان المتاجر المحترف ملتزم بقواعد المتاجرة وعارف مخاطر السوق وملتزم بادارة راس المال وقدر يضبط نفسو والمبتدئ للاسف بيشوف فرصة كدا ما ليها معني ويطلع ترندات بالعافية عشان يقول انا ححاصر السعر واكسب ويدخل الصفقة بمخاطرة عالية ومع الوقت عينك ما تشوف الا النور مارجن كول وتصفير للرصيد المهم ما علينا كل العايزو منكم انكم تتابعو معاي وبرضو تصححو اخطائي الاستراتيجية تعتمد على التحليل الفني البحت وحندعم التحليل بالتحليل الاساسي واساس الاستراتيجية لا مخاطرة نعم التزام ويتبع خلال اليوم شرح النظام