الاخ الغالي ابو يوسف
السلام عليكم و رحمه الله و بركاته
اكيد مش هتفتكرني بس انا كنت من متابعينك في ورشه الرينكو , و ربنا يزيدك و يجازيك خير في اللي عملتوا فترة طويله في الورشه ديه ( و اسمحلي هعارضك في مشاركه سابقه ليك , ان مجهودك راح على الفاضي بالعكس , في ناس كتير استفادت و اتعلمت منك و خرجت فتحت ورش كمان و ربنا يجازيك خير و للامانه مكنتش بتبخل على اي حد باي معلومه , يا راجل ده المشاركه الواحده منك كانت بتولع الورشه و تلاقي وراها 20 و 30 مشاركه في نص ساعه
عموما عذرا ان كنت طولت عليك , انت راجل محترم جدا و مصدر ثقه لناس كتير و الله لو كنت قلت انك هتبدا على حسابات حقيقه بكرة الصبح و الله ما كان الواحد هيتردد ابدا
و سؤال اخير اذا سمحتلي برة الموضوع , ليه حضرتك مشتركتش كمدير حسابات مثلا على الميرور تريد خصوصا اني زي ما قولتلك في ناس كتير بتثك فيك و عن نفسي اتمني ذلك ( ارجو ان ميكنش السؤال ضايقك اخي الفاضل )
اخيرا كل سنه و انت طيب و يارب دايما في تقدم و اسمحلي اكون من متابعينك و جزاك ربنا كل خير