والله يا استاذي الفاضل التفاؤل حلو مفيش كلام وما اسهل الاحلام الوردية وطبعا كلامك حسابيا صح جدا واتمنالك كل خير
بس واضح جدا جدا ان حضرتك لسه جديد اوي على السوق ومش مستعد حتى تدخله ومطمع نفسك ومتجاهل اي خسارة وضربت بالتحليل الفني ومبادئ ادارة رأس المال عرض الحائط وفكرتك مستحيييييييييييل تتم غير في قعدة دردشة الكلام فيها مش بفلوس
وانا مش مجروح م السوق ومعقد على فكرة عشان اقولك كده والله بالعكس خالص وكمان انا واخد كورسات ومعايا شهادات معتمدة في التحليل الفني وبذاكر دلوقتي الشهادة الدولية لاتحاد المحللين الفنيين وبتاجر وعامل نتايج حلوة بس اسف اني بحبطك بس كلامك مع احترامي بعيد تمام البعد عن الواقع ومش منطقي بالمرة ده جون ميرفي وجورج سوروس و ويليام جان معملوهاش اصلا ..
اتمنالك التوفيق بس مقدرش اغشك واوافقك واعشمك بحاجة ملهاش اي اساس من الواقع