السلام عليكم
فى البدايه
كل سنه وانتم طيبين
وان شاء الله عيد سعيد
انا حبيت أخد رايكم فى حاجه
انا لسه داخل الفوركس جديد بقالى تقريبا 3 اسابيع
وابتديت احط فلوس واشتغل من اسبوع
اول مره حطيت 15 يورو خسرتهم ومعملتش اى حاجه
تانى مره حطيت 15 يورو كسبت عليهم 1000 يورو ف 3 ساعات
مع العلم ان الرافعه الماليه 1:888
البدايه ان انا كنت بشترى صفقات صغيره واهداف قريبه
بعد كده ابتديت اخاطر واشترى كميات كبيره
لدرجه ان انا كان ممكن الرصيد بتاعى يكون 160 يورو
وفاتح صفقات عامله -150 يورو
وكنت ببقى قاعد حاطط ايدى على قلبى
والحمدلله كانت بتقل وبتوصل للى انا عايزه بمكسب كبير
فضلت على كده شغال بطريقه عرفت بعد كده ان اسمها الاسكابلينج
المهم فضلت اشترى صفقات كتير بكميه كبيره من الفلوس اللى معايا
لحد ماوصلت لل 1000 يورو
بعد ماوصلتلهم اشتريت صفقات تانى اكتر
ولقيت مره واحد السعر نزل جدا
وملحقتش اقفل اى حاجه
ولقيت مره واحد الحساب بتاعى صفر
من بعدها وان حاسس ان انا فشلت والعامل النفسى زفت
وعملت ايدع تانى وخسران دلوقتى فلوس
رغم ان انا الاول مكنتش بخسر صفقه واحده
هل انا كويس وشاطر فى الفوركس علشان كده عرفت احقق الرقم ده فى الاول بدون اى خسائر ؟
ولا ده كان حظ ومحتاج اتعلم اكتر ؟
ياريت تنصحونى لان انا بجد مش عارف اعمل حاجه
كل القرارات اللى بقيت بأخدها فى البيع والشراء بتكون العكس
وكل لما اقول كلمه وارجع فيها والقيها اتحققت احس بالندم
ياريت اسمع رايكم لو سمحتو