بسم الله الرحمن الرحيم انا عندى مشكلة بقالى اسبوع و مش لاقى حل لحد ما جبت اخرى خلاص فا يا ريت حد يحلهالى علشان زهقت اللى حصل انى جديد و كنت عايز اشحن حسابى علشان الحق عرض البونص بتاع رمضان..فا لما سئلت فى قسم الشكاوى هنا نصحونى بفيزا نت كريدى اجريكول فا روحت علشان اعملها فا البنك قالى طلع قرار من كام اسبوع انه لازم يكون عندك حساب علشان تطلعها و اقل حساب اللى هو حساب توفير ب 3000 جنية بعد كدة نصحونى بالبنك العربى الافريقى فا روحت اعمل فيزا 4U بتاعت الانترنت فا قالى كروت الفيزا خلصانة و مش عارفين هتتعمل تانى امتى روحت على بنك فيصل الاسلامى علشان عندى حساب فيه قالولى مش بيعملوا فيزا نت اصلا فكرت اشحن من خلال الباى بال بس انا مش عارف هل علشان اشحن حسابى فى fxdd لازم يكون حسابى فى الباى بال متفعل؟؟؟ علشان التفعيل بيبقى من خلال فيزا نت بردوا و انا مش عندى فيزا نت طب لو فرضنا ان شركة fxdd لا تشترط ان يكون حساب الباى بال اللى بيتم الشحن منه متفعل...فهل انا اصلا اقدر استقبل فلوس عليه من خلال وسيط و هو مش متفعل بردوا ولا ايه؟؟؟ علشان انا اصلا مش عندى حساب باى بال فا لسه هعمل واحد و اشوف اى وسيط من المنتدى هنا بشحنلى حسابى و لو لسه كل دا و بردوا فيه مشاكل فا انا كدة مش هيبقى ادامى غير انى اخلى اى وسيط باى بال يكون حسابه متفعل فا يحولى الفلوس علطول على حسابى فى fxdd ... بس هل شركة fxdd بتسمح ان اى شخص يشحن حساب اى حد ولا لازم يكون اسم حساب الشخص فى الباى بال مطابق لاسم الشخص صاحب حساب ال fxdd ???? يا ريت تحلولى مشكلتى علشان عايز الحق عرض البونص و زهقت خلااااااااص