التريلنج استوب يعني وقف الخسارة المُتحرك أو بالأحرى ملاحقة الأرباح ..
مثال :-
اشتريت دولار ين عند سعر 100.20 و عملت وقف خسارة عند 100.10 أي ( 10 نقاط )
الطبيعي أنه في حالة ان السعر وصل لـ 100.10 فالصفقة هيتم إغلاقها على خسارة 10 نقاط ..
لكن ما هو التريلينج استوب و متى يتم استخدامه ..
بالنسبة لي بستخدمة في حركة الأخبار القوية و المتوقع ان السعر يعمل رالي سريع يطلع او ينزل مثلاً
فبروح عند الصفقة اللي انا فاتحها و بعمل استوب لوز عند مثلاً 100.10 تمام و بعمل كليلك يمين و هتظهر لي اختيارات بختار منها تريلنج استوب ( وقف الخسارة المُتحرك ) و أختار بقا
يا اما 15 او 20 او 25 .. الخ
مثلاً اخترت 15 نقطة .. معنى ذلك لو سعر الزوج الحالي في مثالنا السابق تحرك 15 نقطة و وصل من 100.20 : 100.35 فالستوب لوز اللي انا كنت عاملة عند 100.10 هيتحرك لين 100.25 و كل ما السعر يتحرك 15 نقطة الستوب لوز هيتحرك بردة 15 نقطة ..
الفايدة من التريلنج استوب انه بيحافظ على أرباحك لان السعر فجأه ممكن يرتد و بكدة يضرب الستوب لوز بتاعك و كانك معملتش اي حاجة بل بالعكس خسرت ..
بيفيدك طبعاً ان متتابعش الشاشه ع طول لانك عارف خلاص ان كل ما السعر بيحرك الستوب لوز بتاعك بيتحرك بمقدار النقاط اللي انته اختارتها و بيحافظ على ربحك اللي كسبته
دا فيديو شرح التريلنج ستوب لوز ..
أتمنى أن أكون قد وفق في شرحى ..
نسألكم الدعاء ..