[COLOR="rgb(139, 0, 0)"]السلام عليكم والرحمة احلى شباب وبنات
اخوكم مروان, سوداني مقيم بالرياض- السعودية
اتاجر مده مناسبة لكن بحسابات عادية يعني ماتتجاوز تعاملاتي من السحب اكتر من10000$ بحسب قوانين الفيزا او قوانين السعودية ماعارف..
المهم الان حابي اتاجر بمبالغ معقولة علشان الربح يكون جيد ففكرت اني بداية افتح 100000$ مية الف وازيد تدريجيا كمان اذا لقيت الاوضاع مطمنة.
المشكلة في التالي:
بحسب قانون العمل في السعودية المفروض انو ماتستقبل فلوس من غير جهة العمل ولو استلمت بيتم استدعاءك للبنك وبتساءل عنها يعني شك اب روتيني بس المفروض يكون في سبب مناسب والمسالة ماتتكرر علطول..يعني مش كل شهر او اتنين حتحول برة مية الف وتستلم كمان.. دي المشكلة الاولى الي هي مسالة البنوك( انا بتعامل مع الراجحي اذا المعلومة مفيده)
ممكن اتفادى الموضوع ده عن طريق باي بال لان ماليها سقف ومفصولة عن الحساب. بس عندي الاشكال الاول انو باي بال في السعودية لاتصلح لسحب الاموال. يعني تودع او تتسوق بيها بس.الاشكال الثاني انو نادر بروكرز تعتمد ليك باي بال ك بايمنت باثواي وتكون مضمونة وعريقة تاتمنها على مبالغ نوعا ما كبيرة..(اذا عندكم بروكرز بتعملو لي عليها ريكومنديشن بليز وروني)
طبعا واحد من الحلول انو اتعامل مع اي واحد عندو سجل تجاري لان البنوك لاتسال الشركات ابدا عن تعاملاتا المالية.بس في الحالة دي حيكون اسم الحساب في البروكر برضو باسم المان ده الي هو صاحب السجل التجاري..وده موضوع ممكن يسبب عدم امان لو فهمتو علي..( اذا عندكم اي فكرة كمان تخلي الفكرة دي تمام ياريت توروني)
كلفت عليكم يا شباب سامحوني بس اتمنى من الادارة بحكم خبرتم و اخوانا المتخصصين في الاونلاين بايمنت والاعضاء من الشباب السعوديين او المقيمين في السعودية لو عندهم فكرة حل للموضوع..
وجزاكم الله الف خير[/COLOR]