المشاركة الأصلية كتبت بواسطة Mohamed_tarek حسام انت اية رايك في اليورو دولار انا شايف انة علي فريم 4ساعات ممكن يرتفع الي الاعلي لو كسر 23.6 فايبو عشان يعمل حركة تصحيح للاتجاة الهابط الي كان يسبقة الذي بداء من 1.3414 واستمر هبوطا الي 1.3100 حوالي 300 نقطة ,فهل ممكن السعر يصحح بما يعادل 55 صعودا %من الحركة السابقة يعني يرتفع من 1.31 الي 1.3250 اللي تعادل 38 فايبو علي الاربع ساعات فهل ممكن ادخل شراء الان خاصة ان اليورو علي مستوي 1.3122 اسفل المستويات النفسية عند 1.3225 فممكن يكون في احتمالية للهبوط اكثر الي 1.32 وخاصة انة في اشارات بيع علي الاستوكاسيك علي فريم 4 ساعات والديلي [IMG][/IMG] حبيبي يا محمد ، تسلم دا من ذوقك يا كبير بص يا باشا من وجهة نظري بخصوص اليورو دولار لما السعر يوصل لمناطق سعرية زي 1.3100 لازم نتخذ الحذر ونتاجر على البريك آوت للمستويات لضمان الدخول في الاتجاه العام ان شاء الله ، انا معاك ان في احتمال كبير يقوم بعملية تصحيحية ، ولكن هنبقى داخلين في الاول وفي الاخر على عملية تصحيحية وعكس التيار ، في نفس الوقت في تقارير سلبية من الجانب الأوروبي انا من رأيي الانتظار لحين اعطاء اشاره واضحه لانعكاس السعر لليورو دولار وبعد كدا نقدر ندخل شراء ان شاء الله ، طبعا الاشاره دي ممكن تكون فنية او اساسية ، دا خلافاً ان في اشاره في رصيد انعكاس السعر وهي البيانات السلبية الصادره من الجانب الأمريكي حول طلبات اعانات البطالة الأسبوعية ، وكمان ان شاء الله احنا في انتظار تقرير يوم الاثنين انا شخصياً بعتبره مؤثر في تعاملات اليورو لو اتى بسلبية وهو مؤشر ifo لقياس ثقة الأعمال في المانيا . في معلومه بردو حابب اطرحها ، وهو ان لو سارت الأمور بنفس الوتيره الايجابية للاقتصاد البريطاني اللي شوفناها قبل الكام تقرير فقط السلبيين اللي في الفتره اللي فاتت بتحسن نوعا ما في اداء مختلف القطاعات ، هيكون شراء الباوند دولار هو افضل من اليورو وطبعاً ناخد في الحذر اي تصريحات عن موضوع تغيير برنامج شراء الأصول البريطاني المطروح من 375 بليون جنيه استرليني الى 400 بليون . والين الياباني هيكون هو الأفضل من بينهم لو فضل المركزي الياباني مصر على سكوته على ما يحدث ، يعني بيع يورو ين ودولار ين في حال تماشي البيانات بالسلبية للاقتصاد الأوروبي والامريكي لان استمرارية سلبية البيانات الاقتصادية من الجانب الأمريكي هتلغي تماماً تأثير ما حدث الأسبوع الماضي لان بن برنانكي قال في خطابه بشكل صريح ودا اللي ذكرناه في المقال " سياساتنا تعتمد على ما يحدث في الاقتصاد " يا رب أكون قدرت اضيف لمعلوماتك شئ مفيد وبالتوفيق ان شاء الله يا غالي