شهادة حق من تجربة فعلية لم يقضى عليها بضعة ايام
هذة الشركة ufxmarkets اودعت لهم فى البداية 1000 دولار وللاسف لم يكن لدى خبرة كافية بالفوركس المهم دخلونى صفقات وفعلا كسبت وطبعا قبل ما ننسى انا حصلت على بونص 300 دولار ووافقت على الشروط رغم عدم فهمى لها جيدا كان كلامهم كالسحر المهم دخلونى صفقات كسبانة كويس لمدة يومين تلاتة وراح مدير الحساب قلي لو تقدر تزود المبلغ ل 10000 دولار راح نقدر نعطيك توصيات ب 7000 دولار صفقات مضمونة مائة بالمائة فى اقل من اسبوع طبعا انا مكنش معايا المبلغ لكن انا قلتلة ممكن اودع كمان 3000 ويبقى الرصيد وصل ل 4.5 بالنونص قلى اوك ونقدر نديك توصيات تربحك 3000 دولار وفعلا دخلت معاهم صفقات بعد الايداع كسبانة كويس قوى حوالى 4 صفقات ب 2000 دولار حاجة عظيمة الصراحة المهم وبالصدفة قرات الموضوع دة عنها فى المنتدى وعن راى الاعضاء وطبعا فى باقى المنتدايات مفيش حد قال كلمة شكر فى حقها الا ان كله نصب قلت بس فلوسى ضاعت المهم قلت نجرب نسحب الارباح لانى الصراحة كنت حاطط كل اللى معايا وهنا المفاجاءة الكبرى شروط البونص لاتسمح بالسحب الا بعد عمل حجم تداول ب 4.5 مليون دولار المشكلة بقى انى بعد مطلبت السحب راح مدخنلى صفقات مش مظبوطة خالص وطبعا كنت فهمت بقى خلال الفترة دى الفوركس والدعوم والمقاومات وخلافة ومتى تكون الصفقة صح وامتى تكون غلط المهم بالمقارنة بين الصفقات قبل السحب وبعدة لقت ان فعلا النية هية تصفية الحساب وخاصة انة كان بيطلب منى دخول بحجم لوت كبير جدا النقطة ب 20 و 50 دولار المهم بدات اقفل الصفقات على خسارة وهما كمان معدتش اتصلو بيا لفترة طويلة وبعدين قعدت انا اعمل شوية صفات مع نفسى واكسب واخسر المهم كان هدفى هو تخليص حجم التداول للحصول على السحب وفى اخر الطريق اتصل بيا تانى وقلى انا كنت فى اجازة وباسلوبة اقنعنى دخول صفقات اخرى وللاسف دخلت وخسرت مبلغ مخترم من اصل الرصيد المهم كملت حجم التداول وطلبت السحب وفعلا نفذوة ورجع المبلغ لحسابى على الكاش يو فى خلال 7 ايام لكن للاسف بعد ما كنت خسرت 1300 دولا من اصل الحساب بس الحمد الله ربنا نجانى منهم باقل الضرر
الخلاصة انى اللى فهمتة من خلال تعاملى معاهم انهم يقعدوا يكسبوك ويطمعوك لحد ما تجيب اللى معاك ويمكن تستلف كمان طمعا فى الربح وانت فى قمة الانبساط وطبعا لو مخدش بالك زي اللى حصل معايا وعملت طلب سحب فصدقنى هتكون المحفظة بتعتك صفر فى اقل من 24 ساعة مهما كان الملبغ ودى تجربتى معاهم بعد معاناة وقلق فضل اكتر من شهرين الحمد الله اللى باقى من رصيدى رجعلى . طبعا فى تفاصيل كتير انا مقلتهاش لعدم الاطالة بس انا قلت الخلاصة والله على ما اقول شهيد .