السلام عليكم ورحمة الله و بركاته
الاخوه الافاضل القائمين على هذه الورشة الجميله و التى استمتعت بالقراءة و المشاركات البنائة فيها ولكن لى رأي بسيط ارجو من الاخوه الافاضل قبولها بصدر رحب . من خلال تجربتى فى هذا المجال و المقارنه بين المنتديات الغربية و العربية لى ملاحظة ووجدتها تكررت فى هذه الورشة و عديد من الورش الاخرى و هى عندما نعمل على طريقه و نجد منها الربح الطيب مع وجود بعض الخسائر طبعا وهذا شيئ طبيعى و منطقى لا نترك لانفسنا المجال للتطوير و الابتكار بل يدفعنا الكسل الى الجرى وراء تصميم الاكسبيرت وهذه تكون بداية الفشل للموضوع و اهماله اعذورونى مش حقدر اتكلم فصحه اكتر من كده اللى انا ملاحظه فى معظم الورش تلاقى الاستراتيجيه ماشيه زى الفل و تمام بدل ما نطور فيها نجرى على الاكسبيرت وده اللى بيخلى الموضوع يجف فيه النشاط و الفرص و مشاركة الراى لاننا بنجرى ورا الاكسبيرت و بنسيب الاستراتيجيه الاصليه بنجرى ورا اعدادات الاكسبيرت و اللى ممكن يكون فيه اخطاء برمجيه تخلى النتائج مختلفه و بالتالى تلاقى الموضوع سافر على الصفحات المتأخره طيب تعالوا ناخد امثله . الورشه اللى كانت شغاله على الرينكو قبل دى الخاصه بالاستاذ وليد كانت شغاله كخلية النحل كل واحد بيبتكر استراتيجيه جديده و كل يوم فى جديد فى الموضوع اللى قضى عليها الدخول فى مجال الاكسبيرتات و ده خلى الورشه نامت ناخد بقه مثال عكسى الورش اللى ما دخلش فيها الاكسبيرتات ورشه زى ورشة خبرتى للدكتور جمال ممدوح طبعا غنيه عن التعريف لو كان دخل فيها الاكسبيرتات كان زمانها نامت من زمان على العكس بسم الله ما شاء الله شغاله لحد يومنا هذا و فى عامها الثالث و ده ايضا اللى بنشوفه فى المنتديات الغربيه تلاقى الاستراتيجيه بدأت من سنين بشكل ووصل التطوير فيها لشكل تانى خالص المهم انا اسف للاطاله و ارجو ان تتقبلوا كلماتى بصدر رحب ونطلع الكسل اللى جوانا و نبدأ نطور و نجدد من الاستراتيجيه مع العلم ان ممكن يكون فى ورشه تانيه خاصه بتطوير و مناقشة و اصلاح الاكسبيرت بس تاخد تطويرها من هنا من العامل اليدوى و رفع الفرص و خلق روح و خليه عمل للورشه والشكر بعد الله عز وجل لكل الاخوه الاعضاء المشاركين فى الورشه و الدكتور فؤاد صاحب الورشه