انا اسف يا محمد على التأخير في الرد
اكيد طبعاً يا محمد هناك علاقه وطيدة بين هذه الأشياء واسعار العملات ، الموضوع كبير شوية عشان ياخد شرح في كومنت واحد ولكن خليني اشرحلك قدر الامكان
اولاً اكيد هي مش علاقات مثالية ، وتعتمد لوحدها على تحليل للتدفقات النقدية على اقتصاد البلد التابعه ليه العمله ، يعني سوق السندات اليابانيه لما يحصل شئ يؤثر فيه بالسلبية بورصة اليابان ومؤشرات اليابان زي نيكي 225 بتنخفض هي الآخرى وفي اغلب الاوقات يكون الملاذ الآمن لليابانيين في الوقت دا الين الياباني ، اذن هيحصل عمليات طلب على الين وبالتالي يرتفع سعر صرف الين الياباني ، عشان كدا في اوقات بتلاقي بيانات سلبية والين يرتفع
هرجع واقولك ان الموضوع في الاول وفي الاخر كله يحدده العرض والطلب في أي بورصة في العالم ومنها بورصة العملات ، وكل عملة على حسب ما تعتمد عليه لتحديد العرض والطلب
اما بخصوص مؤشرات الولايات المتحدة الامريكية زي الداو جونز او استاندرد اند بورز او الناسداك فكل منهم له عمل في قطاع معين ، مثل الداو جونز مثلاً فهو يحوي اكبر الشركات الصناعية بالعالم واكبرها من حيث الاستيراد والتصدير فبالتالي يؤثر على اول الدول المصدره للمعادن والمواد الخام اللي بيصنع منها هذه المواد المصدره وهي استراليا لان بيبقى في طلب اكثر لو في تصنيع اكثر .... وبالتالي يؤثر الطلب العالمي للمواد الخام على النفط اذن يؤثر بالتبعيه على الدولار الكندي لان كندا هي المصدر الاول للنفط وعشان الدول تشتري النفط من كندا لابد لها من تبديل عملتها المحلية الى عملة كندا اي الدولار او الدولار الأمريكي
طبعا العلاقات دي كلها مش لحظية ، بل هي متوسطة الى طويلة الأجل
وفي منها بيكون لحظي وقصير المدى ، من ضمن التأثرات اللحظية اللي بتحصل للأسواق العالمية ان البورصات الأوروبية تتأثر بالبيانات الاقتصادية الصادره من الولايات المتحده الأمريكية ، لأن هناك علاقة وطيدة في التبادل التجاري بينهما
وبالتالي في حال السلبية فيكون الملاذ الآمن للأوروبين هو اليورو او الدولار الأمريكي لو بالايجابية ، على حسب البيانات
ولكن زي ما قولتلك الموضوع كبير نوعاً ما ويطول شرحه ، ويا ريت اكون قدرت اوضحلك شئ من هذه العلاقه
تم الرد عليك يا غالي على الاسكايب
ولو في اي استفسار اخر ، انا معاك هنا يا غالي عشان الكل يستفيد