لما تتكلم عن شركة فوركس يستحسن ماتتحمقش اوى عشانها لان صاحب الشركة مش قريبك او ابن عمك
احنا هنا بنتكلم عن شركة نصابة مش عن مبارزة شركات و نشوف مين الاحسن
انت حاجة من اتنين يا اما تبع الشركة يا اما مش فاهم و داخل تروش مع الناس
خلاصة شركة انستا دى عشان الناس كلها تبقى فاهمة
دى شركة بتعتمد على نسبة قليلة جداً من العملاء
و بتحاول تشترى عملاء بعروض المنتديات اللى بتعملها
و بتحاول تخترع لنفسها كيان و وجود و جوايز و غيره
و فى نفس الوقت مع العملاء الحقيقيين عاملة قوانين لقتل العملاء
يعنى مثلا ابسط حاجة
بأى حق ان شركة تحكم الصفقة بزمن فتح و اغلاق؟؟
يعنى بالبلدى
انا فتحت صفقة و كسبت او خسرت و انت اخدت عمولتك انت مالك بقى قفلتها بعد دقيقة او بعد 10 ثوانى
انت مالك لما ادخل على خبر و احقق ربح لسه انت تستولى على الربح و تلغى الصفقة و يقول ان لو الربح اكتر من 10% هايتلغى
ايه علاقة ان الشركة تقول ان السحب بيتم فى خلال 7 ساعات
و عاملين قانون تانى على جنب غير مرئى للمتداول بإنه ممكن يتم التأجيل لمدة 45 يوم او اكتر؟!!
مشكلة ليبرتى عشان انت بجهلك بتقول ده عادى
دى شركة قالتلى يا محمد عشان تودع عندى اختار ما بين الانظمة دى
فا انا بكل براءة اخترت نظام معين و حطيت فلوس فى الشركة
و بكده الفلوس داخل الشركة و فى حوزتهم
جه البنك ده نصب ليس من حق الشركة اطلاقاً انها تستولى على الفلوس بداعى انها متضررة
لان البنك نصب و الفلوس فى حيازة الشركة مش فى حسابى انا
و الطبيعى ان كل الشركات المحترمة اللى مش بتلهس على اى فلوس اعلنوا فوراً انه فلوس العملاء فى امان
الا انستا
استغلت الوضع عشان ينصبوا اكتر و اكتر
و يعطلوا العميل 6 شهور و لو حقق ربح هايستولوا على نصف الربح و مجموع الايداعات
يعنى عايزين يعوضوا خيبتهم من عرق و جهد العميل
بغض النظر عن رسالة الزائر اللى انت بعتهالى بس انصحك ماتتحمقش اوى لشركة سرقت حق اخواتك و بتتبلطج عليهم بإسم الاتفاقية
عرض البونص اللى انت فرحان بيه ده من ازبل عروض البونص قصاد شركات تانية محترمة
و فى النهاية انا بحافظ على اسلوبى معاك احتراماً للمنتدى و إدارته و احتراماً للأعضاء