 |
 |
|
 |
|
بص ياغالى انا هافهمك
انت هاتخد الاكسبيرتات دى كوبى وتروح على C:/program files/ 2sm al broker bta3k/ experts
وتدور على الملف اللى اسمة اكسبرتس فى مجلد الشركة بتاعك اللى موجود فى الــ C
وتحطهم هناك وبعد كدة تفتح المنصة
اول ماتفتح المنصة تختار من القوائم فوق Tools وبعد كدة options
هايفتحلك window اختار منها EXpert Advisors واعمل الاعدادات اللى فى الصورة دى
بعد ما تظبط الاعدادت دوس اوك علشان تقفل الويندو
بعد كدة
تدوس على CTRL+N هايظهرلك window كدة اسمها navigator هاتلاقى فيها حاجة اسمها Expert advisor تفتحها هاينزلك منها قائمة الاكسبرتات بتاعتك
دلوقتى انت تفتح شارتين
شارت للكندى
وشارت للنيوزلندى
والاتنين تظبطهم على فريم الربع ساعة
اول ماتجهز الشارتين
تروح عند قائمة الاكسبرتات اللى احنا كنا فتحنها وتسحب الاكسبرت دة على الشارت ArbitrageReverse_1.1 (LotsDivider) NZDUSD Micro Fast Openorders EA
يعنى تسحبة على شارت الكندى وبردة تسحبة على شارت النيوزلندى
بس كدة مش فاضل انك تفعل تشغيل الاكسبرتات
ودى هاتدوس على الايكونة اللى فى الصورة دى علشان تبقى نفس الشكل اللى فى الصورة كدة
منورة اخضر من الاخر يعنى 
اى خدمة تانى انا موجود
تحياتى |
|
 |
|
 |
كتر الف الف الف الف خيرك بجد .. شوف بقا كام واحد مبتديء زيي كدا هيستفاد من مشاركتك دي و يدعيلك .. جزاك الله خيراً ..
يا شباب مش كل الناس فاهمه زيكم و ليهم خبرة .. فيه ناس زي حالاتي كدا مبتدئين و جايين هنا عشان نتعلم و بكرة لما نتعلم مش هنبخل على حد و نعلمه و نفهمه و هكذا .. دي سنه الحياه ..
أنا مثلاً محاسب لو جالي واحد مهندس وقالي عايز اتعلم محاسبة .. مش اول حاجة هعملها هعلمه الميزانيات و القوائم المالية و الكلام دا .. لأ .. هبدأ معاه واحدة واحده و هراعي اللي قدامي دا مش محاسب ..
فياريت تطلوا بالكم شوية على الغلابة اللي زينا و ثوابكم عند ربنا مش كلمة شكر هنقولها ليكم ..
يالا اللي فات دا حمادة و اللي جاي دا حمادة تاني خالص
أستاذ محمد حسين ..
انا عملت اللي قولت عليه بالمملي و كل حاجة تمام يتبقي استفسارات كالتالي ..
أولاً اللي فهمته اننا دلوقتي شغالين على اكسبرت الفاست و السلو دا ملوش لازمة صح كدا و لا انا غلطان ؟
الإستفسارات بقا كالتالي ..
1- إزاي اتحكم في قيمة النقطه ؟
2- كمان التيك بروفيت و الستوب لوز ؟
3- هل ينفع اشغل الاكسبرت دا على عملات تانية و لا هوه معمول للكندي و النيوزلاندي بس ..
و مشكور مقدماً و ربنا يجعله في ميزان حسناتك انت و باقي الاخوه اللي بتساعد