ههههه والله فكرتني بنفسي مع اول حساب ليا عملت انجاز محدش عمله ومستحيل حد يعمله ..... اتمرجنت في دقيقتين هههههههههههههه
يعني لو كنت لعبت قمار اعوذ بالله منه كنت اعدت مدة اطول
بص يا باشا ربنا يعوض عليك بس صدقني مش هتكسب سنت واحد من الفوركس الا لما تتخلص من حاجتين متابعة اكتر محلل او استراتيجية والاستعجال
احنا ليه كنا بنخسر علشان اول ما نفتح اللاب توب ونبص ع الشارت ادينا بتاكلنا وعوزين اول ما ندخل الصفقة فجأة نلاقيها ربح 1000 دولار ونقفل ونسحب مفيش حاجة اسمها كدا حتى اللي بيربح كدا بطريقتين يا رأس ماله كبير جدا او بيتاجر ع الاخبار والطريقتين لازم تكون محترف فيهم
المهم انصحك بالتمهل ومش كل ما تشوف شامعة هابطة بقوة تبيع او صاعدة بقوة تشتري ما هو دا اللي انا بسميه اغراء وخيانة
الهبوط العنيف او الصعود العنيف دا مش اتجاه سعر لا دا بيحدث نتيجة شيء بمعنى حاجة حصلت ادت للهبوط والصعود يعني المفروض علشان تستفاد تكون داخل على توقع النتيجة دي مش بتدخل على النتيجة يا رب تكون فاهمني وبالتوفيق لك