المشاركة الأصلية كتبت بواسطة MoHaMeD EgY وصلت الفكره ولمزيد من الأيضاح يا حماده خلينا ادردش معاك شوية لتفسير السلوك ده تخيل معايا عربية ماشية وخبطت في حيطه واقفه قدامها العربية هتتدمر و الحيطه هيبقي فيها شرخ من اثر العربية طيب لو العربية دي اتصلحت وراحت خبطة نفس الحيطه تاني العربية برده هتتدمر والحيطه هيقع منها طوبتين تلاته طيب لو العربية اتصلحت ورجعت خبطت الحيطه للمره الثالثة مين اللي هيتدمر دلوقتي نفس المبدأ هوه اللي حصل اول ضربه لليورو علي الدعم 1.3035 اليورو طار بسرعة لفوق تاني مره خبط اليورو في الدعم 1.3035 اليورو طار لفوق بس مش بنفس قوة اول مره يبقي الحيطه ضعفت (اقصد الدعم) ووقع منها كام طوبة يبقي تالت مره هينزل للدعم الدعم هيتكسر وهيصبح قوة دافعة للهبوط وليس للصعود ومحدش هيشتري منه وحتي اللي هيشتري اول ميلاقي ان السعر مطلعش من الدعم فهيتصرف كالتالي اما هيقفل الشراء بسرعة بخسارة او هيستني العوده لها ويقفل الشراء برده وقفل الشراء يعني بيع يعني اليورو هيتباع من كل الجهات بمجرد قربه او وصوله من النقطه دي سواء لسه نازل لها من فوق او طلع لها من تحت بعد مكسرها عشان كده انا نصحت بعدم التفكير بالشراء لم يهبط لها واننا نعمل عكس الطبيعي وهو البيع من الدعم