الحمد لله يا محمد 
ربنا يزيدك يا رب
........................................
بخصوص سؤالك يا fankora انقي ازاي نقطة الدخول ولا نقطة الخروج ؟؟
انا كان في جوابي لمحمد قبل كدا ، ذكرت كل هذه الامور مره واحده عشان نكمل أي معلومات ناقصانا في اي جانب من الجوانب دي
طيب احنا الوقتي لسه مش عارفين ندخل ازاي او نخرج ازاي ؟؟
الدخول على البريك اوت للمستويات والدخول على قرب المستويات الفيصلية للأسعار هو احسن طريقة للمتاجره ، بمعنى زي ما احنا عملنا انا وانت على اليورو ين والدولار ين وطبعا حطينا في دماغنا كلامنا السابق ان نقطة اليورو ين بنقطة ونص للدولار ين ، طيب يعني ربحي انا بقدره في اليورو ين مثلا ب 35 نقطة اساس يبقى في الدولار ين 22 نقطة مثلا ، وبالنسبة لنقطة الدخول بردو، كان في واحد صديقي كندي ولكن مصري الأصل ، كان دايما يقولي بنفس اللفظ ( حسام انا بحب ادخل من الطرطوفه بتاعت السعر ) ، ودا اللي انا عملته امبارح بردو عشان اعوض صفقة الباوند دولار دخلت من الأعلى لاني عارف ان كدا كدا مش هيعرف يكسر مستويات 1.5600 ودخلت على حوالي 7 ازواج بنفس الطريقه
طيب بالنسبة لنقطة الخروج ؟؟ اولا انا ببقى محدد ربحي بعدد نقاط معين في كل صفقة وبراعي معاه مدى قوة العمله المضاده ليا ، بحيث انها لو ضعيفة جدا انا مش مشكله لما اسيب لنفسي كمان 5 نقاط او حتى 10 نقاط زياده اما لو متوسطه او قوية بكتفي بعدد نقاط ربحي ، مع مراعاه خط الدعم او المقاومه التالي للسعر بحيث انه ممكن لو العمله المضاده تكتسب قوة ميقدرش يكسر المستوى ده
يا ريت اكون وضحتلك الموضوع بطريقه سهله وكويسه ، ولو في اي سؤال انا تحت امرك يا fankora