انا عملت زيك كده لمدة 4 شهور لحد ملقيت طريقة و لسه محول رصيد امبارح و الحمدلله بدات التداول من امبارح برضو
فكك من كل الهري ده انت اطلع علي بنك الاهلي سوسيتيه جنرال و افتح حساب جديد و اطلب فيزا نت و فعل خدمة نيتا بنك هتستلم الفيزا بعد اسبوع تقريبا و متقلقش هيبعتولك رسالة علي موبايلك و هتستلم فيزا النت للاسف بعدها ب 3 اسابيع و لما تفعل خدمة نيتا بنك هتقدر تحول من علي الكمبيوتر بتاعك عادي رصيد من الفيزا العادية اللي هو حسابك لفيزا النت و تقدر تعمل ايداع عند شركة الوساطة بتاعتك صدقني مفيش اي طريقة تانية اسئل مجرب 4 شهور و متسئلش اي حد تاني
بس خلي بالك اعمل اللي بقولك عليه بالنص لان فيه موظفين في البنك هيفتو و منهم اللي مش فاهم انت بتعمل ايه و منهم اللي هينسي يفعلك خدمة النيتا بنك متمشيش غير و انت متاكد ان كله تمام بالنسبة للسحب الارباح انا لسه مجربتش بس اللي اعرفه الشركة الوساطة بتاعتك بتعملك زي تحويل بنكي لرصيدك علي طول علشان مش بينفع يحولو للفيزا نت بتاعك
اي خدمة انا تعبتلك في الكتابة ههههههههههه بس كان نفسي حد يعمل معاايا كده و اوفر تعب الشهور دي