اسمحولى ارد على جميع المشاركات فى مشاركه واحده اولاً: عايز اعرف ليه لما قدمت فكره الاسيوطى .. كلكم صفقتولى .. ولما قدمت فكره اخرى بعيده عن الرينكو .. قابلتونى بالنقد ؟ هل عشان هى ضد الرينكو ؟ .. طيب هو الرينكو دا نازل من السما عشان يبقى ممنوع من النقد ؟! طيب لو حد جه غريب ونقد الرينكو ! .. هتقلوله آيه ؟ الطبيعى اننا هنقوله .. انه يدرس الرينكو وبعد كدا ينتقد .. ودا اللى انا عملتوه .. درستو وبعد كدا انتقده ثانياً: انتوا بتقولوا انى غيرت رأى عن الرينكو فى يوم وليله! وهذا حقيقى .. انا كنت بشتغل ع التحليل الكلاسيك من حوالى 15 يوم .. ومش بقول انى بقيت محترف فى التحليل من 15 يوم .. بالعكس .. انا مبتدأ وفااااااشل .. وكنت حاطط امل فى اكسبيرت يحقق ارباح وانا نايم (حلم كسول ) وقولت افضل النتائج للأكسبيرت والمؤشر هى على الرينكو .. فحبيت اشاركم فكره الأكسبيرت واقولكم آيه رأيكم من ناحية الأكسبيرت .. وليس كأستراتيجيه ولسا مقتنع ان الأكسبريتات أدائها افضل ع الرينكو ثالثاً: بالنسبه لموضوع استراتيجه الاسيوطى انا بالفعل كنت شايف وقتها انها قويه .. ولكن عند ظهور الاقوى .. طبيعى جداً أن اذهب إليه (من وجهه نظرى) ولما قولت انى عايز اقفل الموضوع .. فهذا كان بسبب وجود الأقوى (من وجهه نظرى) .. ولكن ذى مابنقول لكل شيخ و له طريقه .. ويمكن هما عجباهم طريقتى فى الأسيوطى ( اللى انا مش مقتنع بيها ) .. فأذاً هنيئا لهم الأستراتيجيه وارباحها .. وساتراجع عن فكره القفل اما بالنسبه لموضوع الجائزه .. فتشكر أنك فكرتنى أن كان فى جايزه اصلاً .. الجائزة موجودة فى برنامج الرصيد حتى الآن .. ولم اسحبها .. واذا ارادت الأداره بسحبها فلتتفضل بكل سرور رابعاً : بالنسبه للمجهود اللى بيتكلم عليه ابو يوسف فلو انت زعلان انى خالفتك و شايف انك بتعمل المساعده عشان كلمه شكراً .. فأعتقد انك اخدتها كتييير فى هذا الموضوع .. واذا كنت بتعمله حباً فى المساعده ولوجه الله .. فالمفروض انك متفرقش معاك واحد خرج عن نظامك ولا انتقد فكرتك .. واعتقد انى ما أنكرتش مجتهودك وبالنسبه للجمله دى ( انت لم تبذل مجهود في شئ يذكر , غير أنك استنسخت افكارك من مجهود غيرك) فأنا اعتقد انى مقولتش ان المؤشرات دى بتاعتى .. انت كل اللى عملتوه جبت مؤشر من هنا على مؤشر من هنا (وطبعاً مدروسين بناءاً على خبرتك) فأصبحت استراتيجيه ناجحه ودا اللى انا عملتوه بالظبط.. لقيت مؤشرين لا بيتوافقوا مع بعض .. ولكن شفت (من وجهه نظرى) انهم ممكن يعتبروا منطقه دخول حلوة .. وظبطت اعداداتهم .. و عرضها عليكم .. فأصبحت استراتيجيه ناجحه برضو وبعد كدا اكتشفت ان فى طريقه بتوضح منطقه الدخول افضل .. فعرضت عليكم وجهه نظرى مش أكتر خلاصه الكلام انا كنت شايف ان فكرة الاسيوطى حلوة وعرضتها عليكم .. وبعدين شوفت ان فكرة الرينكو للمتابعه فقط .. فعرضها عليكم ايضاً لكن لأعرف لماذا كل هذا الهجوم على فكره المساس بالرينكو انتوا عارفين لو كانت فكرة الهجوم على الموضوع الاساسى اللى طرحته وهو أن دخول الفرصه على الشارت العادى اسرع من الرينكو .. كان زمانى ابقى مستريح .. لكن المشكله انكم رافضين فكره الهجوم أو المساس بالرينكو .. وكأن الرينكو شئ مقدس ممنوع المساس بيه !! .. وبدأتوا تتكلموا على حاجات غريبه ملهاش دعوه بالفكره الأساسيه وبتسألونى غيرت رأيك ليه ؟ .. وانت شكلك بتعمل دعايه .. وطوق النجاه .......الخ رد سريع لبعض الجمل هو يا اخي من شارت علي عمله في يوم السعر عامل فيه قناه سعرية تشتري من تحت و تبيع من فوق و حققت ربح يبقا هو ده كل الدنيا ؟؟؟؟؟؟؟ اهلا يامصطفى .. هل كل دخولى من فوق وتحت .. وهل انا قولت هو دا كل الدنيا ؟!!! متابعة price action علي شارت بلا تذبذب و حط عليه بعد كده اي حاجه ان شا الله عسل بطحينة حتكسب .. شارت الرينكو اللي ارفقته بتاع الاسترالي بدون اي مؤشرات و فقط بالقنوات السعرية و الدبل توب و الدبل بوتوم تقدر تاخد منه عشرات النقاط بدون اي مؤشرات قد اتفق معك فى هذه النقطه .. لكن الاستخراج ع الشارت العادى من وجهه نظرى افضل احنا مش في خناقة ولا الهدف نبين مين اشطر من التاني و مين استراتيجيته احسن من التاني ... الهدف المكسب و الربح .. يعني حلل اساسي كلاسيكي هارمونيك رينكو قرع عسلي المهم تكسب في الاخر شوف الطرقة اللي تريحك و اللي بتكسب بها و الله يوفقك انت كدا جبت من الآخر .. برافوا عليك ولو شافو تحذيرك يمكن يفقدوا ثقتهم في نفسهم ويخسروا , لأنهم شافو صاحب الفكره هو من ينتقدها بعد ثقتهم فيه ؟ متخافش انا اساسا شخص مبتدأ ومازلت مبتدأ .. يعنى محدش هيسمع كلام مبتدئين وياخد عليه فكره أنتقاد فكرة ناجحه لشخص معين هو أنتقاد للشخص نفسه يا رااااجل .. دا على أساس انى قولت فكرتك هى بس اللى وحشه .. لاحظ ان كان كلامى للتعميم واولهم كان عن نفسى فى الأسيوطى لما تنتقد فكره ناجحه لمجرد انها لم تنجح معك أو انك وجدت فكره تمشي مع ميولك على الشارت فهذا انتقاد لصاحب الفكره دون أن تشعر . طيب كويس انك نبهتنى للموضوع دا يا اخي انت متعرفشي ان في ناس كسبت من الأسيوطي ؟ ولو شافو تحذيرك يمكن يفقدوا ثقتهم في نفسهم ويخسروا , لأنهم شافو صاحب الفكره هو من ينتقدها بعد ثقتهم فيه ؟ تراجعت عن فكره غلق الموضوع مدام فيه ربح للناس .. ولكن كنت اتمنى لهم اكثر اذا كنت ترى الاسيوطى ناجحة وممتازة لماذا ظهر الكارت الاحمر والتحذير بغلق موضوع الاسيوطى .. !!!!!!!!!!!!!!!!! لأن فيه افضل منها اعذرينى دليل على قلة خبرتك .. وانت اخى ويجب ان انصحك .. هل تعتقد ان ال200 سهلين .. وكم حجم لوت ال10 نقاط ... هل افتقدت طعم الفرق بين الاسكالبينج والسونج !! بالفعل يا اخى فانا قليل الخبرة ومازلت اتعلم .. وقد يكون معك حق انى فشلت مع الاسكالبيج فأتجهت للسوينجات بالتوفيق لك ياصديقى الان فقط اكتشفت انك بتلحس المعلقه وبتاخد من 10 الى 20 نقطه؟؟؟ مع ان عنوان موضوعك هو استراتيجيه الاسيوطى لربح 50 الى 200 نقطه؟؟؟ اهلاً يامحمد عمر انا مازلت عند رأيى انى باخد 10 او 20 نقطه بس .. ولكن هذا فى الفرصه الواحده التى تحقق اكثر من 50 نقطه فى الشارت العادى.. يعنى لو طلعت 4 او 5 فرص فى اليوم ع الأسيوطى .. فهتقدر انك تحقق الربح اللى موجود فى العنوان .. ولكن محتاج متاااابعه لصيقه وخرجت من موضوع ورشه الرينكو ولم يفعل احد ذلك مثل اخونا ابو يوسف والاخت لاما خرجت للموضوع منعاً للتشتيت .. وانه يبقى موضوع متجمع فى حته واحده .. وكنت اتمنى انهم يفعلوا كذلك بدل التشتيت فى وسط الموضوع وكبر حجم الموضوع .. والناس تتخض من حجم الموضوع وتهرب ... الخ .. ودا اللى حصل بالفعل .. انا بعض الأستراتيجات تاهت فى وسط الموضوع وعشان كدا جمعتهم وكمان وليد صاحب الموضوع بنفسه كان موافق .. وكمان انا كنت برد على اى استفسار للأسيوطى سواء هنا او هناك أنا أظن أن 10 إلى 20 نقطة مضمونة خير من 200 نقطة غير مضمونة و إذا كانت إستراتجيتك تحقق هذا فما العيب فيها بالفعل يا اخى yacine .. لا يوجد عيب .. ولكن انا كنت ابحث عن الافضل من وجهه نظرى هذي تداولاتي اخر ست او خمس ايام ديمو على الاسيوطي وتم تحقيق 50% من الحساب مبروك يا Moh'd Issa .. واذا ارادت المساعده فأنا معك ---------------------------------------------------------- شكراً لكم جميعا .. وبعتزر اذا كان اسلوبى فيه نقد جارح .. وسأظل متابع الرينكو حتى نصل الى اكسبيرت ناجح أن شاء الله وبعتذر: انى لن اقوم بالرد على اى هجوم اخر .. حتى لايتطور الموضع اكثر من هذا .. وأى استفسار خارج هذا السياق .. فأنا تحت أمركم تحياتى لكم جميعاً .. وبالتوفيق لكم