سلام عليكم
بالنسبه للاخ يسرى والاخ ميسترى لو تسمحولى اقول حاجه....مبدأيا انا معرفتى ب مانجر بدأت هنا فى المنتدى وباذات فى الموضوع دا زى زى باقى الاعضاء فانا لا اعرفه معرفه شخصيه (((لكن)))....هل دورى او دروكم انكم تحكموا على الناس من مجرد الاسم انت استاذ يسرى زى ماقولت اللى لفت نظرك الاسم مانجر( مدير حسابات) وانت فسرتها على انه داخل هنا علشان يطلع بسببوبه من الاعضاء طيب ماحطتش فى دماغك انه يمكن كتب الاسم دا كنوع من الاعتزاز لان الراجل قال انه بقاله زماااان فى السوق دا واتبهدل فيه لغايه لما بقى عنده خبره ( على حد قوله) فادا يمكن يكون سبب....حاجه تانيه وماتزعلش منى فيها لو دى طريقه تفكيرك فى الحكم على الناس والاشياء والفوركس احب اقولك انك فاشل فى حاجات كتير مش بس الفوركس لان دى طريقه تنم عن سطحيه فى التفكير انى احكم عليه من اسمه ولو بمبدأك دا يبقى انا ليا الحق انا كمان احكم عليك من المسمى بتاعك ( عضو نشيط) لكن ياترى هل انت جدير بالاسم دا وخاصه ان اداره المنتدى قبل كده نبهت وقالت انها اسماء اتوماتيكيه تعتمد على مدى المشاركه فى المنتدى وليس لها علاقه بخبره الشخص بالفوركس...يبقى انا لو حكمت عليك من اسمك يبقى انا كمان شخص سطحى التفكير ولا لاء انا مابحكمش على حد من الظاهر كده بدون بينه...ولكنى اظن فى الناس خيرا سواء انت او الاخ ميسترى او الاخ مانجر......انا عارف انكم داخلين ( بحجه) خوفكم على الاعضاء اخى وحبيبى فى الله خلينى اوضحلك شئ...انت ( كعضو) ليس لك الحق فى ان تطلق الاتهامات على اى شخص فى المنتدى يعنى ماتقدرش تقول ان غيرك دا كذا او كذا لانه بكل بساطه مش دورك ...وصدقنى لو الاخ مانجر فى من وجوده ضرر زى مانت متوقع اولا كانت الاداره أخدت بالها وكانت نبهت الناس...انت ماسألتش نفسك الاداره ساكته ليه؟؟؟....طيب ماسألتش نفسك ان فى واحد من الاداره فى بدايه الموضوع دخل وشهد لمانجر بالخبره...ايه اللى خلاه يعمل كده لو مانجر زى مانت مابتقول ؟؟؟......طيب هنعتبر ان جل من لا يسهو وان انت جبت السمكه من ديلها وعرفت حاجه كلنا غافلين عنها انت والاخ ميسترى....يبقى تاخد الاجراءات السليمه ( فى الحاله دى وهى اكتشافك لشئ كلنا غافلين عنه وان فى عضو من اعضاء المنتدى يريد اداره حسابات مثلا زى مانت ما بتزعم) يبقى تتوجه للاداره وتقولها وتعرفها كل التفاصيل اللى انت عارفها ..طيب الاداره هنقول ماهتمتش ومش خايفه على مصلحه المنتدى والاعضاء مع انى اؤكد ليك انهم خايفين على منتدى ( اكتر منك ) روح لصاحب المنتدى وكلمه ...كلم الدكتور اسامه وقوله ...طيب الدكتور سكت (( ماتقنعنيش بقى انك هتبقى خايف على المنتدى اكتر من الدكتور نفسه)) والا فى الحاله دى هتبقى انت صاحب المنتدى واحنا مش عارفين....اخى وحبييييبى فى الله عاوز اقولك حاجه .....خليك حكيم فى تصرفاتك ( واضح انك لم تحتك بالحياه انت والاخ ميسترى ) حتى فى اسواء الاحوال دع لغيرك ان ( يحفظ ماء وجهه) دى كل امور الحياه مش بس علشان موضوع الاخ مانجر
اما بقى بالنسبه للاخ مانجر: انا لن استطيع ان احكم بشكل نهائى على اى احد منكم او حتى هو لانى لم اتعامل معكم وجها لوجه...لكن خلينى اقول حاجه انا لمستها بنفسى وهى ان الاخ مانجر رجل ذو خلق ويعرف كيف يتكلم باحترااام وأدب ...وتواصلت معاه شخصيا الراجل بصراحه ماقصرش معايا لغايه دلوقتى وكل نصائحه ليا احسبها انها من القلب.
وللعلم اخ يسرى انت وميسترى : كان قدام الاخ مانجر فرصه انه يدير حساب ليا ولكنه نصحنى بمنتهى الصدق ولن استطيع ان اقول ماذا قال لانه شئ خاص به فى المقام الاول فان سمح لى بالكلام سأتكلم وان لم يسمح مش هقدر اوضح اكتر من كده...... فانا احسبه عكس ما قولتوا عنه تماماااااااااااا.
اللى انا قلته ليس دافعا عنه ولكن هى دى الحقيقه اللى انا شفتها وجربتها بنفسى معاه...والله اعلم بما فى الانفس