يا استاذي الكريم روح البنك الاهلي سوستيه جنرال nsgb او سي اي بي cib وقله عاوز افتح بالمصري وبعدين قله عاوز افتح حساب فرعي بالدولار لو سألك عن السبب قله اهلي هايبعتوا عليه حواله بالدولار من بره هيوافق غصب عنه لأن دي مصلحتهم ان فلوس تدخل البلد بالدولار
انا بتعامل مع سوستيه جنرال وانت اصلا ممكن تريح دماغك من كل ده ومتحتجش تفتح حساب بالدولار هاقولك ليه سوسيته جنرال ناصحين بيخلوا الحساب الخاص بالانترنت كارت ال منه هاتعمل ايداع او سحب عليه بالجنيه المصري فقط وماينفعش تتطلع انترنت كارت بأي عمله تانية علشان عارفين انك لو هاتشتري اي حاجة من الانترنت هتبقى بالدولار وبالتالي هو يبيعلك الدولار او يشتريه منك ويكسب ده لو هتتعامل بالفيزا اما التحويل البنكي الفلوس تجيلك عادي بالدولار وخد بالك ان الحساب بالدولار بيبقى فرعي مش اساسي ومش بيطلعله فيزا كارت ولا اي حاجة كل الفائدة انك بتشيل في فلوسك بالدولار بس وتقدر تروح تسحبهم دولار او تحولهم مصري وتسحبهم بي atm لكن متقدرش تعمل ايداع بيهم وهما دولارات الا لو تحويل بنكي وده بياخد 5 ايام عمل غير مصاريف التحويل على كلام الناس من 20 الى 30$ اما الانترنت كارت بمجرد ماتحط الفلوس في البنك في الانترنت كارت الفلوس بتوصل حسابك بعد الساعة 2 بليل في نفس اليوم وتعمل ايداع فورا ومصاريف التحويل لا تتعدى 2$ في جميع الاحوال وانا فاتح حساب بالدولار بس مش بستخدمه علشان زي ماقولتلك التعامل كله بالجنيه المصري ومايعادله امام الدولار ال مستغربه بجد الموظفين بتوع بنوك ورفضهم فتح حساب مجرد ماتذكر كلم فوركس رغم انا لما طلبت فتح حساب بالدولار وسألتني قولتلها علشان الفوركس ولا قالت اي حاجة يمكن علشان انا حسابي كان مفتوح من فترة و الحساب جالي كهدية من البنك وطلعولي فيزا وانترنت كارت
وصدقني في الاخر موضوع الدولار ده مش هايفرق معاك كتير وفرق لايذكر ده لو تعاملك هيبقى في مبالغ صغيرة لأن اسعار صرف البنك هتلاقيه متقاربة او هى نفسها تقريبا عند اي صراف الا اذا لو مبلغ كبير زي 10000$ مثلا هاتروح الصراف وتتطلب منه يشتري منك بسعر اعلى من ال عرضه واعلى من البنوك