شكرا جزيلا يا استاذ احمد على الموضوع الجميل ده
فعلا طريقة القنوات السعرية من اقوى واسهل الطرق فى التحليل فى نفس الوقت
انا شغال بالطريقة من اسبوعين .. والاسبوع ده بدات عليها على الحقيقى
والسعر بيحترم القنوات بشكل رائع .. بس فى كام حاجة عاوز اسأل عليهم
1- عند الوصول الى احد حدود القناة ... الصغيرة او الكبيرة .. انهى الافضل انى ادخل على الكسر او الارتداد
انا فى طريقة بفكر فيها .. انى ادخل مع الاتجاة العام .. يعنى لو الاتجاة العام هابط والسعر وصل للحد العلوى .. ادخل من نفطة التلامس بيع .. واحط استوب صغير .. فى حدود 15 نقطة
فهناك 3 احتمالات .. السعر يهبط .. يبقى انا كده دخلت مع اول الاتجاة والاستوب بتاعى صغير جدا
الاحتمال التانى ان السعر يكسر لاعلى .. هخسر استوب صغير وادخل بضعف اللوت .. والاستوب برضة هيبقى صغير حوالى 15 نقطة الى 20 نقطة
الاحتمال الثالث .. ان السعر يضرب استوب البيع وويفعل الشراء وينزل تانى يضرب الاستوب بتاع الشراء .. بس الاحتمال ده مش بيحصل كتير .. علشان السعر بيحترم القنوات بشكل كبير جدا
منتظر رأى حضرتك