13-02-2013, 10:00 PM
|
|
|
رد: ® فن المحاربين القدماء ® •●§(Harmonic Art & Cowboy System)§●• ®
خالد كنت عايز اخد رأيك في النقطة دي من ناحيتين, اولا بالنسبة للفرصة دي, في مستوي دعم اللي ظاهر ده عند 4246, وحتي تحتيه بشوية في بيفوت شهري, وكمان الزاوية موجودة, وعندي النقطتين دول بيمثلوا مستويات دعم قوية زي ما انت قولت, لكن هنا لسة الفرصة السهم مظهرش والشمعة لونها متغيرش علي حسب شروطنا, فهل مثلا في فرصة واضحة زي دي وعندها دعم قوي زي ده, هل ننتظر تطبيق الشروط, مع العلم ان ممكن ده يخسرنا مزيدا من النقاط وهيكبر الاستوب اكتر؟ طبعا انا عارف انك مشدد علي النقطة دي وهتمشي تبع الشروط, بس انا بتناقش معاك
النقطة التانية بقي, وهي استكمالا للنقطة السابقة, هفرض مثلا ان تصحيح النقطة C وصل لفايبو 88 بالنسبة للضلع AB, وعند النقطة دي مثلا لو دخلنا هيكون الاستوب 40 نقطة عند النقطة A, بس تبعا للشروط لسة المؤشرات مظهرتش, هنفرض اننا هنستني ظهور المؤشر واغلاق الاربع ساعات, فعل ده ما ظهر والشمعة اغلقت, السعر كان ارتد اكتر وبعد عن النقطة A بمقدار 30 نقطة, يعني كدة الاستوب هيبقي 70 نقطة, يعني لو الصفقة ضربت استوب هيبقي تقريبا الضعف, ولو حققت الهدف هبقي خسرت 30 نقطة
فايه رأيك مثلا, لما السعر يوصل لفايبو 88, وخصوصا لو كان فيه مستويات تدعمه, اننا عند النقطة دي نخش بنص العقد المتعودين بيه, لو متعودين ندخل النقطة بدولار, فنخش بالنقطة بالنص دولار عند فايبو 88, ولو كسر استوب, ساعتها هبقي خسرت 40 نقطة بنص العقد, ولو السعر ارتد فعلا, وظهر المؤشر بعد كدة, اخش بنص العقد تاني, برجع اقولك اننا بنتناقش وبأخد رأيك 
|