 |
 |
|
 |
|
الف شكر عالاجابة, ونسيت برضه اشكرك علي السيستم, وربنا يجازيك خيرا عنا يارب
طبعا اجابتك واضحة تماما, وعن نفسي لازلت أفضل الشغل علي النقطة C, بس حتة المتاجرة علي النماذج المكتمل, ممكن اخش مثلا اتاجر علي نموذج معين, واستني النقطة D عند قيمة معينة, والاقيه بيكسرها وفي اتجاه انه يواصل الصود او الهبوط ويكون نموذج اخر بتصحيح اخر للنقطة D, فعشان كدة الاقرب ليا اتاجر علي النقطة C
حاجة كمان, دلوقتي عندي مؤشرات كتير بالنسبة مثلا للنقطة C, مثلا ننتظر تصحيحها عند فايبو 88, وننتظر ظهور الزاوية, وننتظر الدايفرجنس, ودلوقتي بعد اضافة السيستم الجديد, ننتظر ظهور السهم اللي بيقول نشتري او نبيع مع تغير لون الشمع والاغلاق اسفل او اعلي الموفينج عشان ندخل
دي كلها حاجات كتير, وعن نفسي ساعات كنت بنتظر الزاوية او الدايفرجنس, والاقيهم متحققوش, واحس ان الارتداد بدأ يحصل, فبضطر اخاطر وادخل دون ظهور المؤشرات دي, وخصوصا لو كان الاستوب قليل, فانت برأيك ايه افضل الادوات اللي ممكن دلوقتي اخد لها مؤشر الشراء او البيع؟ هل السيستم الجديد يكفي فقط من حيث ظهور السهم واختلاف لون الشمع والاغلاق اسفل او اعلي الموفينج علي حسب الدخول او الشراء, ودون حتي الرجوع للزاوية او الدايفرجنس؟؟
|
|
 |
|
 |
شوف يا صديقى .. الشروط ليست كثيرة اهم حاجة عندى توافق النموذج لشروط الهارمونيك .. تمام .. ثم توافر مستويات قوية تدعم الصفقة .. ظهور الزاوية .. فى حالة المتاجرة من C تنفعك لو انت داخل متاخر والاستوب A اصبح بعيد عنك .. فى تلك حالة تعتمد استوب الزاوية .. وممكن تعتبر A تبريد بسيط .. تمام كدة .. ظهور الدايفرجنس .. انا كتبتب اكثر من مرة .. ظهورة خير وبركة يعنى تنتظرة لا تنتظرة دى حاجة ترجعلك يا صديقى وليس شرط اساسى .. يتبقى الاساس تلون لون الشموع فى اتجاة الصفقة واغلاق اسفل الموفنج وظهور السهم .. لو السعر بنسبة 90 % ناوى على هبوط صدقنى كل الشروط دى هتظهر ليك على شمعة واحدة او2 بالكتير .. عارف ان دة هياخر الدخول شوية لكن لا مانع من ظهور اشارت التاكيد .. ولو شوفت فرصة الاسترلينى النهاردة هتعرف قيمة شروط الدخول وازاى حفظت حسابك من صفقة كانت خاسرة .. تمام كدة .. لو انت بقة مش عايز تعتمد على الشروط .. براحتك يا صديقى .. انا زى ما قولت اكثر من مرة .. انا بقدم ليكوا الادوات .. وانتم لكم حرية الاختيار .. الشروط مش كتير بالعكس كلها متوافقة ومرتبة .. وكل شرط يمكن الاعتماد علية بقوة .. اهم الشروط صحة النموذج سواء بقة مكتمل او غير مكتمل .. توافقة مع مستويات قوية .. ثم شروط الدخول الاساسية التى ذكرتها .. وليك حرية الاختيار يا غالى .. وانا تطبيقى للفرص هيكون معتمد على السيستم 100 % ولن اخرج عنة ان شاء الله ..