المشاركة الأصلية كتبت بواسطة أبو ياسر مش عارف انتوا صعبتوا الموضوع ليه كده ؟!!! طبعا يا ريس مش هرسم ترندات من من غير السيكل لاين ، وطبعا يا هيما السيكل لاين مهمتها الأساسية الزمن (وأفتكر اني قلت كده برضه في المشاركة بتاعتي) ، انما أنا بس كنت أقصد أوضح باقي امكانيات طريقة المتاجرة بالدورات السعرية للدكتور حمادة سلام للي ميعرفهاش ، فالموضوع مش بس مستويات الزوايا اللي بيكون ليها عامل قوي جدا في اظهار مناطق الارتداد المتوقعة ، انما كمان فيه التوقع الزمني بصورة قوية جدا اذا اترسم بالطريقة الصحيحة ، وكمان الترندات المستقبلية اللي بيتم رسمها على الشارت والسعر بيحترمها جدا بطريقة ملفتة للنظر ، ومن وجهة نظري (اللي ملهاش أي لازمة ههههه) الترندات دي اذا اترسمت صح ممكن تساعد المتاجر جدا في انه يستفيد من كل حركة للسعر خاصة اذا حصل تذبذب بين مستويات الزوايا لاتساع المستويات دي في بعض الأحيان ... بس كده آدي كل قصدي ومعلش اذا مكنتش واضحة من الأول ... أرجع بقى للسؤال اللي هيما رد عليه خلاص (محدش يعرف طريقة واضحة ومؤكدة لرسم الـ Cycle Lines ؟) متفق معاك ابو ياسر على اهمية الترندات المعتمدة على السيكل لاين .. بالنسبة لفكرة ادق طريقة هى بالطرق اللى اعتمدتها من الدكتور حمادة .. اذا كان الزوج مثلا .. يسير فى شكل هندسى رباعى .. اذا الاعتماد على الزاوية 90 .. وتحديد السيكل يكون بناء على مضاعفتها او مقسومتها .. واعتقد انك عارف الجزء .. وهى دى ادق طريقة .. المهم اختيار الشكل الهندسى الصحيح .. مثال سريع على اليورو .. وسبحان الله السيكل مع الزاويا .. رسمت الترند الوهمى .. واخترت ترند مركز الثقل فقط .. سبحان الله هو بردة نفس الترند الكلاسيك والسعر ماشى علية مسطرة لكن ركز الزوج ..ارتد من 108 .. المفروض انة يصل الى 216 خلال زمن 54 .. حسب الطريقة وفعلا وصل فى الميعاد المطلوب .. وتمحور حول الزاوية .. بحثا عن الزاوية القادمة .. لكن داخل الدائرة البيضاء وصل الزمن كان هنا مفروض يحدث انعاكس .. لكن واصل الزوج صعودة حتى لامس 324 احترمها بتذبذب .. واغلق وذهب بالقرب من 432 .. ودة المكان اللى انا بعت منة فى ورشة المحاربين .. وطبعا مدمج مع اسلوبى فى العمل ودى الفكرة سريعا