المشاركة الأصلية كتبت بواسطة النسر الذهبى بالطبع يا خالد باشا التطوير شئ ضروري جدا وجزاك الله كل خير. طيب يا استاذ خالد عندي اقتراح وهو تضيف كل الشروحات اللي في الموضوع مع السيستم الجديد في اول الموضوع عشان تسهل علي المتابعين يعني جمع كل حاجة في مشاركة جديده بالأضافة لما ذكر باول مشاركة وراسل الأدارة للتعديل علي اول مشاركة بالموضوع عشان تسهل علي المتابعين. تحياتي يا قائد بالفعل اخى ابراهيم تم تجميع .. شرح الهارمونيك وبعض الاضافات الجانبية ... فى 103 صفحة PDF وتم ارفاقهم فى اول الموضوع على يد احد الاخوة جزاة الله عنا خيرا .. لكن الجزء الاخير من الشرح لم يتم تجميعة .. بعد و ان شاء الله يتم ذلك خلال الايام القادمة .. تحياتى لك المشاركة الأصلية كتبت بواسطة أبو ياسر يا جماعة هوه الواحد ميتفكش بكلمتين كده ولا كده على فكرة يا هيما زيادة الفلترة فعلا شيئ كويس ، وأنا مكنش قصدي أي حاجة ، هية بس القافية حكمت لما لقيت اتنين من اللجنة الاستشارية دفعة واحدة فمعرفش ليه افتكرت موضوع عادل امام في التجربة الدانمركية ، فكنت بهرج اما موضوع ضبابية الأسواق يا ريس فده أعتقد كلنا متفقين عليه في الورشة وفي المنتدى ، وحتى في نشرات الأخبار اللي في التلفزيون ، الموضوع مش موضوع اننا نمسك زوج دلوقتي ونحاول نشوف أوله ايه وآخره ايه ، الموضوع ان الفرص بقت بتتضرب أكتر من اللازم ، وده عمل نوع من الرهبة والتشويش عند معظم الناس ، والأدوات الجديدة اللي رفعتها باذن الله هيكون ليها دور كبير في انها تقلل الرهبة والحذر من الدخول الخاطئ (اللي بقينا شايفينه خاطئ دلوقتي على الرغم من أنه كان زي الفل قبل كده وكان بيحقق نتائج هايلة انما عشان المراجيح اللي حصلت الفترة اللي فاتت بقى حبة مننا بيلوم نفسه وشايف دخوله كان خطأ رغم ان النماذج معظمها ضربت استوبات وبعدين طلعت حققت الأهداف زي الكتاب ما بيقول وزي ما أخونا الرائع أمجد رصد وقال قبل كده) أكيد هناخد وقت على ما كل واحد فينا يبدأ يهيأ طريقته في استخدام الفلاتر القوية دي كلها ، وطبعا فينا اللي هيستخدمها كلها وفينا اللي هيلاقي التعامل مع مجموعة منها بس كفاية ليه ، وهكذا ... زي كده ما أنا استمريت لحد اسبوعين فاتوا بستخدم ZUP60 بس (رغم أكتر من مؤشر تاني تم رفعه بعدها) وكنت مرتاح جدا في الشغل عليه وبفضل الله وحده مع اللي اتعلمته على ايديك في الورشة شوفت بنفسك الشغل اللي عملته بيه ونتايجه بتوفيق ربنا كانت كويسة ازاي. بس كده ، عشان أنا كتبت كتير قوي ، انما خوفي انك تفهم تهريجي اللي فات غلط خلاني أشرح بالتفصيل فك براحتك يا صديقى .. انا بس بضايق من حاجة 1 بس .. هى ان يكون عندك نقطة او فكرة او راى .. او اى شىء مش فاهمة اوى حاجة .. ولا تشارك بيها .. دة بيضايقنى .. لانى كدة مستمر فى الشرح والتطوير والتحليل .. ومازال البعض عندة مشاكل فى فهم ما سبق .. لان كل الادوات دى انا شغال بيها من فترة كبيرة .. ومحبتش طبعا انى ارفقها مرة واحدة كان لازم يكون فى تدريج .. وشرح وفرص .. وكل اداة ارفقتها ليكم .. ركزت عليها لمدة اسبوع على الاقل .. علشان الصورة توضح ليكم فى طريقة العمل بيها .. يبقى اللى عندة اى مشاكل فى فهم الهارمونيك بكل اداوتة يطرحها .. ودة هدف اساسى للموضوع .. ان الجميع يستفاد ويتعلم .. بالتوفيق ان شاء الله المشاركة الأصلية كتبت بواسطة Modariba السلام عليكم ورحمة الله اخي خالد زيادة الفلترة شيء جيد لأنه سيعطي فرص قوية إن شاء الله من خلال الشارتات المرفقة الإرتداد من المستويات الأسبوعية والشهرية شيء رائع لكن كما قال ابو ياسرممكن تنسى الصفقة من كثرة انتظار الضوء الأخضرللدخول لكن أظن الوضع الحالي للسوق يفرض ذلك جزاك الله خيرا على مد العون دائما للآخرين وفي ميزان حسناتك السوق اصبح ممل جدا الله يكفيني ويكفي المسلمين شره اليوم الباوند رينغ 46 نقطة الله يستر من الإنفجار موفقين للخير إن شاء الله وعليكم السلام ورحمة الله ياهلا بيكى اختى الكريمة الفكرة من كل الادوات اللى برفقها ان يبقى فى تنوع .. سهل جدا استمر معاكم بمؤشر 1 .. وارفق الفرص فى الوقت اللى يحلو لى .. بعد ما اتاكد من قوتها بادواتى .. لكن انا حبيت انى ارفق كل ما استعين بة من ادوات .. وكتبت جملة بسيطة جدا .. للجميع حرية الاختيار.. فى عمل التمبيلت اللى يريحة .. المهم يدخل على اساس نماذج الهارمونيك واللى مفيش عندة القدرة لعمل التمبيلت يقولى وانا اعمل تمبيلت لية على مواصفاتة واختيارة .. على العموم .. انا ارفقت الادوات التى اعمل بها .. وان شاء الله ساقوم بتجميع الشرح .. ولن يبقى امامى الا التحليل .. ووضع الفرص والنقاش معكم .. ومن يحتاج اى شىء مرحبا به فى اى وقت .. وارجوا .. ان يكتب ما يشاء وان شاء الله انا تحت امركم فى اى وقت .. واوعدكم .. لن ارفق اى اداوات جديدة او اى تطوير ساكتفى به لنفسى .. حتى لايحدث تشتيت بينكم فى اختلاف طرق العمل .. وسأحلل باسلوبى معتمد على الهارمونيك والسيستم الذى اعمل به ولكم تحياتى جميعا ..