تمام اخى الكريم .. القمم والقيعان كما حددت بالصورة .. وبفكرة بسيطة .. ممكن تتاجر عليها مبدأيا لحين اتقانك التحليل .. وطبعا طبق على الديمو .. والفكرة معتمدة على نفس اللى انت فهمتة .. بس بشكل مرتب شوية .. وهى نموذج بسيط جدا يسمى 123(وهو عبارة عن قمم وقيعان) ... كل اللى هتعمل هتنتظر 1يتكون ثم 2 ثم 3 .. وتنتظر السعر يكسر النقطة 2 والاستوب 3 .. .. وهدفك مبدايا زى ما انت تحب لغاية بس ما تتقن الفكرة وبعد كدة اقولك ازاى تحدد الهدف ..
دى حالة الشراء مكونة من دعمين ومقاومة والبيع طبعا العكس مقاومتين ودعم .. وتبدا الترقيم .. من الدعم فى حالة الشراء وفى حالة البيع من المقاومة وتبدأ برقم 1ويكون بالشكل دة
وتدخل شراء امتى لما السعر يكسر الخط الاصفر(2) .. والاستوب فين الخط الاحمر (3)
والعكس فى حالة البيع
وهسبلك انت بقة البيع .. تستخرج النماذج بنفسك من الشارت وتشاركنا بيها .. وان شاء الله طريقة بسيطة وسهلة وتتقنها كبداية 
بالتوفيق ان شاء الله