المشاركة الأصلية كتبت بواسطة مصطفي حلمي للأسف كل الأسف أعتمد على تمبلت الساحر سونجات فقط وبكل أسف وندم أشد الندم ههههههههههههههه ماشي يا معلم ... انا مش قلتلك من الاول انه سؤال غبي حبيب قلبي مبروك عليك و ربنا يزيدك و يباركلك لا والله ابدا وما يكون تقول هيك ابدا سؤالك في محله انا فعلا ندمان لأني الى الآن ادخل في فرص الساحر سونجات متأخر دايما على الفرصه وبالرغم من هذا احقق نتائج جيده والله لو ادخل في معاد الفرصه صح احقق نتائج اضعاف مضاعفه هذا سبب الندم . وهو يكفيني في التحليل بمساعدة البولنجر المشاركة الأصلية كتبت بواسطة Badr ابو يوسف .. اية الفرق بين الساحر انترا داي و السونج ؟ للني لما بفتحهم على الشارت تقريبا نفس الشكل ما عدا الدوائر المرا بيحصل فيها اختلاف بسيط مؤشر الكوره الحمراء والزرقاء ومؤشر الأسهم في الساحر انتراداي بيدوا اشارات دخول وخروج كثيره أما في الساحر سونجات اشاراتهم قليله ومركزه اكثر . المشاركة الأصلية كتبت بواسطة ehab1602 سبحان الله وبحمده سبحان الله العظيم معلش يا ابو يوسف غيبت شوية لاني اتمرجنت لحسابين الاول ب 1200 $ والتاني ب 500 $ ومقولكش كنت في اشد الحاجة للفلوس دي يلاه قدر الله وماشاء فعل والحمد لله على كل شيء وده كان نتيجة للطمع معلش ولا يهمك ربك بيعوضك خير أختار يا هوبا اي طريقه من الطرق المعروضه هنا والله طرق قويه طريقة وليد المنحنيات الذكيه او طريقة كاوبوي العبقريه والتي تعتمد على سر البرايس اكشن واتدرب عليهم كويس جدا ولازم تدبل حساب الديمو مرتين ثلاثه عشان تبقى اتعودت على الشغل بدون عواطف الطمع نهائيا مش هيقتل جواك الطمع والخوف والتردد غير انك تتقن طريقه معينه ولازم لازم لازم لازم لازم وبقولها مليون الف مره لازم تدبل حساب الديمو اكثر من مره زمان لما كنا في المدارس ومراحل الثانويه العامه والجامعه كنا دايما بنحب نلعب طوال السنه ونيجي قرب الأمتحانات ونلم المنهج كله بطريقه واحده ملهاش تاني كنا بنجيب نماذج أمتحانات للسنوات الماضيه ونماذج امتحانات من كتب سلاح التلميذ وغيرها والمهم كان لازم نجمع لكل ماده لوحدها مش اقل من 20 نموذج امتحان ونفضل نحل فيهم ونتمرن على نوعية الأسئله وأجاباتها ده افضل مليون مره من مذاكرة المنهج لأنك أتعلمت المنهج من ممارسة الأجابه على أكثر من 20 نموذج امتحان خلوك تحفظ كل المنهج من غير ما تشعر ومكناش بنشغل نفسنا بأي شئ تاني ووالله كنا ننجح من الأوائل هنا انا بضرب نفس المثال على واقع الفوركس أختار منهج معين او طريقه معينه من المطروحين هنا اختار منهج وليد او منهج كاوبوي او منهج تمبلت الساحر وابدأ اشتغل على الديمو لما تورم عينك وايدك وظهرك هتشوف مواقف في السوق مش ممكن كنت تتوقعها عشان تستفسر عنها وهتغلط وهتتعلم من خطأك وكل يوم تمارس فيه طريقه واحده من المناهج المطروحه هنا هتزداد قوه ونظره صائبه واحترافيه للمنهج او الطريقه وهتبدأ تتحول من اسير المشاعر واولهم الطمع والخوف الى متحكم في كل شئ بأحترافيه عاليه وتدبيل الديمو اكثر من مره هيخليك تقابل كل المواقف الي ممكن تقابلك في الحقيقي في هذا السوق وكثرة التكرارا والممارسه تضيف اليك مهارات مخيفه لن تتوقعها ابدا كل هذا يجب ان يتم قبل الدخول في الحقيقي وتأكد ان ربنا هيعوضك يا حبيب قلبي المشاركة الأصلية كتبت بواسطة MoHaMeD EgY مش فاهم ! .. يعنى حضرتك مش مقتنع بتمبلت الساحر ؟ طيب ليه منبهتش لدا .. عشان محدش يقع فيه تقولشي خلاص الواد مقطع التمبلت شغل المشاركة الأصلية كتبت بواسطة COWBOY بيهزر يا محمد حبيبي يا كاوبوي دايما فاهمني المشاركة الأصلية كتبت بواسطة MoHaMeD EgY ههههههههههه اهلا كاو بوى معلش .. اصلى لخبطه الأمتحانات ضربتلى دماخى .. وخلتنى شايف كل حاجه جد بالنجاح بإذن الله
</div>