اهلا ابوحميد,
اخبارك ايه يا باشا,
مع ارابيا لو ليك اعتراض او حقوق بنرجعها بس خلينى اسرد اللى حصل بشفافية لاننا لا نحذف اى شيئ هنا 
حضرتك ارسلت الطلب يوم الاربعاء و الطلب وصل الى الشركة الساعة 2 فجرا يوم الاربعاء و طبعا كان قسم المحاسبة مقفول,,,
بعد كده انا قابلتك على الشات و قلت لى هم اتاخروا ليه و قلتلك ده يوم واحد لازم بيتراجع و بيتحول من البنك و طالما انه اتخصم يبقى اتحول بالفعل و دخلت على الشات مخصوص عشانك و كلمت الاخت وفاء و قالتلى بكرة الصبح حيتنفذ الطلب لانه اتراجع و راح قسم المحاسبة خلاص و هو بيتنفذ تانى يوم,
و نصحتك ساعتها متشتغلش على الحساب عشان ميتمش السحب و ممكن تمارجن ساعتها لغاية ما يتم الطلب,و قلتلى ماشى خلاص لغاية ما يتم الطلب,
قمت انت داخل 2 ستاندرد فى حساب بالفين دولار غير ان كان فى نصف ستاندرد مفتوح اساسا,و بعد كده خسرت الصفقتين بتوع المجنون و انهار رصيدك تماما الى 420$ فى يوم.,
الشركة نفذت الطلب اللى انت باعته بايدك فى الميعاد اللى انا قلته لك بناء على كلام الاخت وفاء حسب طلبك!
طيب الشركة اجبرتك على الدخول 2 ستاندرد فى حساب بالفين دولار؟
ثانيا الشركة تستفيد ايه من مصاريف تحويل البنك 15$ اذا كان هم مش ليها اساسا دول للبنك؟؟
ثالثا ايه ممكن يكون حقك اللى انت بتطالب بيه او اتاخد منك عنوة؟
صراحة مش عارف ليه فتحت الموضوع اساسا لان حتلاقى ردود سلبية كتير و انا بتكلم بصراحة لانى نصحتك بعدم الدخول حتى يتم التنفيذ و انت مسمعتش الكلام و كان عندك مسلب ساعتها اكتر من 600$
عامة برضه لو ليك حق حيرجعلك بس انا عايز اعرف الحق ده يكون ايه و ازاى و ليه؟
تحياتى يا غالى,
الله كريم,