بص ياأخى
انا فاهم حالك
وعارف ان الخسارة مش هى اللى مضيقاك
القهر هو السبب
انا مبتدئ مثلك فى الفوركس وبقالى يجى شهر فى الموضوع ده
وكل همى انى اتعلم
وصدقنى حتى الخبرة واللى عندهم كل الأدوات بيجلهم الأحباط والخسارة وكل حاجة بس مع الخبرة طبعا
انا فى بدايتى خالص قريت موضوع لواحد كاتب انه هيعتزل الفوركس
بسبب ان كل مايدخل الصفقة كأن السعر بيراقبه يروح يضرب الأستوب ويرجع يحقق الهدف
انا بتعلم على الديمو وكنت هفتح حساب اول شهر رمضان
بس الحمدلله انى مافتحتوش ههههه لأنى عرفت النتيجة كانت هتبقى ايه
صفر كبير
المهم اخى مش انت لوحدك اللى كده ده فى كتير زينا
ويمكن ده يخفف شويه عليك الضغط
روح الجماعه حلوة اووووى
وبتخفف على الواحد وبتساعد على التقدم
انا اللى بعمل اليومين دول بجانب التعلم على الديمو
بشوف شركة بتدى بونص اسجل فيها لسبب واحد
بشوف ياترى البونص ده هعرف انميه واتاجر بيه
ولا هطيره على طول
والحمدلله كل بونص بطيره ههههه فى يومها
بس الحمدلله حاسس انى بتقدم
بس صدقنى لقيت اهم حاجة فى الفوركس هى الألتزام بأدارة رأس المال ده اللى هيخليك دايما فى السوق
وهون عليك
وصدقنى انا متعطش انى افتح حساب حقيقى فى شركة محترمة زى اف اكس دى بس صابر لحد مالاقى نفسى اهل للموضوع ده
وبحاول احارب نفسى والتزم بأدارة رأس المال
عارف انى طولت بس اهو ادينا بندردش