السلام عليكم
اخواني الاعزاء .. من منطلق الدال علي الخير كفاعله و من شكر نعمة الله علينا بمنته علينا بهؤلاء الاخوة الرائعين الذين بسطوا و سهلوا فكرة الهارمونيك ..بناءا علي ما تقدم عندي فكرة صغيرة اود طرحها عليكم ..
الهدف من المتاجرة هو المكسب ..و المكسب في الفوريكس هو الترند ...اعتقد كلنا متفقيين علي كده
الفكرة ببساطة اني عايز استغل قوة الهارمونيك في تحديد اتجاه الترند و مناطق الانعكاس في المتاجرة بس مش بالطريقة اللي شايفها معظم الاخوة هنا ( مع احترامي الشديد لوجهة نظرهم)..
معظم الاخوة معتمدين علي فكرة السوينج ( المتاجرة بلوط صغير لايام او اسابيع مستهدف عدد نقاط كبر من 50-200 نقطة) ..
الحقيقة انا كنت بقالي كتير جدا شغال علي السكالبينج بس كنت دايما بصطدم بفكرة عدم معرفة اماكن الانعكاس و هل الترند حاليا ده اتجاهه و لا دي موجه تصحيحية..
مع الهارمونيكس انا بفضل الله ثم الاخوة الكرام عرفت راسي من رجلي .gif)
و اقدر اتاجر مع الترند الحقيقي و اعرف اماكن الانعكاس و التصحيحات القوية حتحصل امتا...
الفكرة هي اني اختار اقوي الفرص اللي يطلعها الهارمونيك و ابتدي اشتغل علي الترند الجديد بعد تأكيد الزوايا اسكالبينج ....ازاي؟
ببساطة اي زوج المفترض يعدي علي اكتر من نقطة قوية ( فيبو 50 و 61.8و غيرها من النقط القوية اللي اتعرفنا عليها فيي الهارمونيك ) ..اشتري بلوط عالي مع الترند هدف 10 نقط فقط و التاك بروفت قبل مستوي قوي يحترمه السعر ..
اخدت العشر نقط اقفل الصفقة ..و استني الزوج لما يفضي تشبع الصعود و يخبط في مستوي قوي و ينزل منه .. اشتري تاني بهدف المستوي اللي بعده لان الزوج مع افراغ التشبع حيعيد المحاولة علي نفس المستوي و في الغالب حيخترقه عند تاني او تالت محاولة في حالة الترند القوي اللي انتا طلعته من الهارمونيك ..
و هكذا سعادتك لو نفذت القصة دي علي اي زوج فيه فرصه واضحة و اتجاه جيد تقدر تطلع بعدد نقاط اكبر بكتيييير من السونجااات و البروفت كمان اعلي كتير بسبب اللوط العالي ..
ايه رأيكم ؟؟