المشاركة الأصلية كتبت بواسطة MoHaMeD EgY ااااشطه ع التمبلت الجامد دا وليه جو المسلسلات دا ونستنى كل يوم حلقه .. متشرحهم دلوقتى لو فاضى معلش اصل أنا مش متفصل على أد ايدك !!!!!! يعني مش على هواك لا انت ولا غيرك لما الشرح يجهز هنزله وقت ما أنزله ولا جو مسلسلات ولا جو حلقات ولا جو هباب وانا مش بتاع مسلسلات وكل يوم حلقه وانت المفروض عرفت ده خلاص التمبلت مشتغلتش بيه خالص تجميع مؤشراته كان أجتهاد شخصي أستنادا على اساس أن جميع المؤشرات اشارتها ثابته ولغاية دلوقتي الشرح لسه مش عارف اصيغه أزاي عشان يوصل لجميع المفاهيم المبتدئه وجميع المفاهيم النشيطه ألي بتحب تتفنن في الأسئله بتاعتها زيك مثلا لأثراء الموضوع بالتفاعل والنشاط والوصول إلى اقصى استفاده من التمبلت المطروح ومحدش بيجاوب على الأسئله دي غيري . غير أني امبارح لمدة 8 ساعات بعمل فيجوال باك تست من 2008 الى الآن ومن 2011 الى الآن ومن 2012 الى الآن لما اتعميت ومبقيتشي شايف حاجه عشان أتأكد من الأشارات ثابته ولا لأ , وفضلت سهران لغاية لما خلصته عشان ارفق كل شئ قبل بداية افتتاح السوق وكنت اراجع جميع مشاركات التمبلت الي فات عشان اجمع العيوب كلها ألي قابلت الناس وأتاكد ان على الأقل 80% من المشاكل تكون أتحلت في التمبلت الجديد ومحدش جابرني على أي شئ من ده . غير ان مشاركه رقم 2903 خدت مني برده وقت امبارح ومجهود عشان أحل مشكلة فهد بالصور والشرح الواضح وحفظت المشاركه في التوقيع عشان تكون مرجع لأي حد يقابلو نفس مشكلة التهنيج تاني . وشروط التمبلت في الدخول والخروج تم أستنباطها من خبرتي مع المؤشرات ومن أداء التمبلت في الفترات السابقه غير ان الشرح كان على اساس التمبلت بدون مؤشر البولنجر يا محمد باشا . ولكن بعد اضافة فكرة طارق للبولنجر وجدت أنه اضافه قويه وكان لازم أعرف أزاي أربط علاقة البولنجر بباقي المؤشرات الموجوده في التمبلت وتأثيره عليهم ايه وفايدته ايه عشان يبقى الشرح مكتمل غير ان الشرح بيكون بالصور وده بياخد وقت ومجهود وقرف . غير ان في 2 تمبلت هينزل بيهم تمبلت الساحر عشان تبقى الناس بتاكل فعلا من نفس الطبق بتاعي والطبق بتاعي دسم ومليان بهرات . التمبلت الأول هيكون لصفقات أنتراداي تتفتح وتتقفل في نفس اليوم بقدر المستطاع والتاني هيكون لصفقات شبه سونجات , عشان يستفيد المتفرغ للصفقه وغير المتفرغ . وكل ده لسه مش عارف الشرح بتاعه هيكون أزاي . منظومة التمبلت كلها في دماغي وعارف هشتغل بيه أزاي كويس قوي من مجرد النظر ليه على الشارت أما أني اشرح واترجم الي في دماغي ده مش هيكون سهل , لازم الشرح على قد ما أقدر يكون مستوفي أسئلة السائلين عشان يبقى الوقت مستثمر أكثر في التطبيق . غير اني بحاول ايضا يكون الشرح مستوفي للناس الي محضروش معانا أصلا قبل كده واول مره يدخلوا الموضوع يمكن انت وغيرك فاهمين معظم الأفكار اما المستجدين على الموضوع معندهمش اي فكره لسه عن الي أحنا وصلناله هنا . المشاركة الأصلية كتبت بواسطة محمد امين ايوه كده يابو يوسف ياكبير .. ياأخى انا بقيت بافرح لما باشوفك ... فى انتظارك ياغالى الله يكرمك المشاركة الأصلية كتبت بواسطة Riyadksa بانتظارك اخي ابو يوسف وبالتوفيق للجميع وان شاء الله 2013 تكون ارباح للجميع يارب يارب يا اخي يارب المشاركة الأصلية كتبت بواسطة aims من قبل ما نستخدم الساحر يكفينا سحر اخلاقك العالية وحبك لفعل الخير ربنا يعوضك بالخير والسعادة انت واهل بيتك تحياتى و متابعين تسلم حبيبي ونسأل الله التوفيق والهدى والصلاح والعفاف والغنى . المشاركة الأصلية كتبت بواسطة gastro استاد ...عندما تعجز الكلمات حبيبي جاسترو يا أونطجي المشاركة الأصلية كتبت بواسطة الحاير ايوه يابويوسف هو دا الكلام ابتدا الشغل الجامد بإذن الله يا حاير خليك بس انت متواجد معايا متغيبشي عني .
</div>