النهارده الساعه 2 ونص تقريبا جتلي فرصة سكالبينج ((( علي ما اعتقد )))). علي زوج gbpusd وتوكلت وعملت الامر وخير اللهم اجعله خير الاقيه بينط لفوق وطبعا طبعا كعادة اي مبتدئ ما كنتش عامل ستوب لووز وفضلت متابعه الاقيه عمال يطلع واقول مسيره ينزل مابينزلش ولحد دلوقتي شغال ببساطه كده خسرت الفايه ف كام ساعه
الدروس المستفاده :-
1- زي ما ممكن تكسب بسهوله 100 ف ساعتين ممكن تخسر الف ف دقايق
2- الفوركس زي اي تجاره مكسب وخساره ( خسارتها اكبر بكتير من مكسبها لو مش مرتب حالك وعارف بتعمل ايه
3- اياك تصبر علي الخساره وتقول يمكن تقلب وتكسب ( في الفوركس دايما ما بيمكنش )
4- الفوركس مش برنامج بتلعب عليه لازم تعرف اخبار العمله اللي حتتشتغل عليها وايه الاحداث اللي حواليها .
5- الطمع وحش اوييييييييييييي .
6- النهارده بس عرفت بابا نويل بيجيب فلوس الهدايا اللي بيوزعها منين ( من الخايبين اللي زيي )
علي فكره ده كان حساب ديمو بجرب عليه و ف نفس الوقت فحساب تاني بونص من احد الشركات. 8 $ ووصلت لحد ما بقي معايا حوالي 50 $ بس فكلمه كله بيروح ، الحمد لله انه مش الحساب الحقيقي اللي قريب حفته ان شاء الله
انا كتبت الملاحظات دي ليه قبل معتكون ليكو ياريت اي مبتدئ. زي حالاتي ياخد باله منها
