[Dawns_Mist]

	المشاركة الأصلية كتبت بواسطة MoHaMeD EgY

	شكرا ع مشاركاتك بس كان عندى بعض الأستفسارات : اعدادات الموفنج افريج هتكون آية ؟ و ندخل من فين ونخرج ازاى ؟؟؟ وبالنسبة لموضوع الصور فمعظم الناس اللى هنا لسة مبتدأة .. ولا اقولك خلينى اتكلم عن نفسى .. انا معنديش الخبرة اللى عندك .. انا خبرتى كلها لاتتعدى 1 شهر .. فبتالى اى حاجة هتقولها هتكون صعبه عليا .. لاكن لو فيه صورة هتكون الأمور اوضح ولا انت آيه رأيك ؟؟

ندخل إزاي و نخرج إزاي بالنسبة للموفينج مع الآي دي إكس ... أنا مش بقول على طريقة محدده و ثابتة و أنا مجربها .. أنا بقول أصل الفكرة من الناحية المنطقية و كل واحد ليه الحرية يختار إعدادات الموفينج براحته و يدخل و يخرج على أي إشارة .. الهدف كله إن الدخول يكون على إشارة ثابتة و الخروج برضه على إشارة ثابته و عدم التقيد بتوب بروفيت أو ستوب لووز معين ..

بالنسبة لموضوع الصور .. و كلامك عن إن فيه ناس كتير لسه مبتدأه ..الموضوع ده كبير .. و هنا لازم أشرحلك إن لازم يكون فيه طريق صح ممنهج يمشي المتدرب المبتدأ عليه لوحده لحد مايوصل لإنه يكون فيه لغة تفاهم قوية بينه و بين المصطلحات و بينه و بين الشارت ، و بعد الأساسيات دي يبدأ رحلته في التعلم و برضه لازم الرحلة دي تكون ممنهجة مش كل حاجة بتقع قدامه يقرأها و يمشي فيه شوية و خلاص ... ده تضييع وقت و مجهود رهيب جدا ..
المشكلة الأكبر دلوقتي بعيدا عن الدخول في تفاصيل إن أغلب اللي داخلين هنا مش داخلين يتعلموا يا أفندم .. داخلين فاهمين إن فيه هنا سر .. سر هيخليه يكسب فلوس كتير من الفوركس و خلاص
قليلين أوي اللي داخلين هنا فعلا يتعلموا حاجة جديدة من باب العلم أولا .. و بعد كده لما بيطبق علمه ده على الشارت بيطبقه بطريقة مهنيه من باب إن ده عمل و الله يحب من يتقن عمله .. و بعدها يفكر بقى في الفلوس
لازم كل واحد بينه و بين نفسه يفرق .. هو داخل مجال الفوركس ده عموما علشان يكون مستثمر و عنده حسابات قوية و يكسب فلوس كتير و خلاص مهما كانت الطريقة .. ولا هو داخل هنا علشان يكون محترف و يكون ده شغله بمعنى كلمة شغل هو بيحب ينجز فيه و يعمله كويس و برضه يكسب من وراه فلوس كتير ...

آسف إني طولت عليكم .. لكن بزعل لما بلاقي كلام مفيد ماحدش بيهتم بيه و كلام أقل أهمية لكن شكله حلو و الكل بيهتم بيه اكتر ... و لما يكون فيه فرصه للناس تتعلم مش بيحاولوا يتعبوا .. بقيت حاسس إن أغلب الموجودين على المنتديات مش بس منتظرين حد ياخدهم من إيديهم و يخليهم يكسبوا بالعافية ... لا .. دول مش عايزين يتعبوا لدرجة إنهم عايزين حد يحطلهم الفلوس في حسابهم في البنك على طول ..

بالله عليكم ركزوا ... الموضوع ده فيه فوائد كبيرة .. و فيه ناس كتير ممكن تستفيد .. و استغلوا إن معاكم شباب زي الورد مستعدين يتعبوا علشان يساعدوكم .. من 6 سنين فاتت كنت بشحت المعلومة من أي حد بلاقيه ممكن يكون أكتر مني خبرة و برضه ماكانش حد بيساعد ... استغلوا الفرصه و اتعلموا .. و لازم تعرفوا إن مافيش حاجة بتيجي بالساهل ، ولا فيه ربح بيجي بالساهل .. لازم نتعب شوية ..

[Dawns_Mist]

	المشاركة الأصلية كتبت بواسطة MoHaMeD EgY

	شكرا ع مشاركاتك بس كان عندى بعض الأستفسارات : اعدادات الموفنج افريج هتكون آية ؟ و ندخل من فين ونخرج ازاى ؟؟؟ وبالنسبة لموضوع الصور فمعظم الناس اللى هنا لسة مبتدأة .. ولا اقولك خلينى اتكلم عن نفسى .. انا معنديش الخبرة اللى عندك .. انا خبرتى كلها لاتتعدى 1 شهر .. فبتالى اى حاجة هتقولها هتكون صعبه عليا .. لاكن لو فيه صورة هتكون الأمور اوضح ولا انت آيه رأيك ؟؟

ندخل إزاي و نخرج إزاي بالنسبة للموفينج مع الآي دي إكس ... أنا مش بقول على طريقة محدده و ثابتة و أنا مجربها .. أنا بقول أصل الفكرة من الناحية المنطقية و كل واحد ليه الحرية يختار إعدادات الموفينج براحته و يدخل و يخرج على أي إشارة .. الهدف كله إن الدخول يكون على إشارة ثابتة و الخروج برضه على إشارة ثابته و عدم التقيد بتوب بروفيت أو ستوب لووز معين ..

بالنسبة لموضوع الصور .. و كلامك عن إن فيه ناس كتير لسه مبتدأه ..الموضوع ده كبير .. و هنا لازم أشرحلك إن لازم يكون فيه طريق صح ممنهج يمشي المتدرب المبتدأ عليه لوحده لحد مايوصل لإنه يكون فيه لغة تفاهم قوية بينه و بين المصطلحات و بينه و بين الشارت ، و بعد الأساسيات دي يبدأ رحلته في التعلم و برضه لازم الرحلة دي تكون ممنهجة مش كل حاجة بتقع قدامه يقرأها و يمشي فيه شوية و خلاص ... ده تضييع وقت و مجهود رهيب جدا ..
المشكلة الأكبر دلوقتي بعيدا عن الدخول في تفاصيل إن أغلب اللي داخلين هنا مش داخلين يتعلموا يا أفندم .. داخلين فاهمين إن فيه هنا سر .. سر هيخليه يكسب فلوس كتير من الفوركس و خلاص
قليلين أوي اللي داخلين هنا فعلا يتعلموا حاجة جديدة من باب العلم أولا .. و بعد كده لما بيطبق علمه ده على الشارت بيطبقه بطريقة مهنيه من باب إن ده عمل و الله يحب من يتقن عمله .. و بعدها يفكر بقى في الفلوس
لازم كل واحد بينه و بين نفسه يفرق .. هو داخل مجال الفوركس ده عموما علشان يكون مستثمر و عنده حسابات قوية و يكسب فلوس كتير و خلاص مهما كانت الطريقة .. ولا هو داخل هنا علشان يكون محترف و يكون ده شغله بمعنى كلمة شغل هو بيحب ينجز فيه و يعمله كويس و برضه يكسب من وراه فلوس كتير ...

آسف إني طولت عليكم .. لكن بزعل لما بلاقي كلام مفيد ماحدش بيهتم بيه و كلام أقل أهمية لكن شكله حلو و الكل بيهتم بيه اكتر ... و لما يكون فيه فرصه للناس تتعلم مش بيحاولوا يتعبوا .. بقيت حاسس إن أغلب الموجودين على المنتديات مش بس منتظرين حد ياخدهم من إيديهم و يخليهم يكسبوا بالعافية ... لا .. دول مش عايزين يتعبوا لدرجة إنهم عايزين حد يحطلهم الفلوس في حسابهم في البنك على طول ..

بالله عليكم ركزوا ... الموضوع ده فيه فوائد كبيرة .. و فيه ناس كتير ممكن تستفيد .. و استغلوا إن معاكم شباب زي الورد مستعدين يتعبوا علشان يساعدوكم .. من 6 سنين فاتت كنت بشحت المعلومة من أي حد بلاقيه ممكن يكون أكتر مني خبرة و برضه ماكانش حد بيساعد ... استغلوا الفرصه و اتعلموا .. و لازم تعرفوا إن مافيش حاجة بتيجي بالساهل ، ولا فيه ربح بيجي بالساهل .. لازم نتعب شوية ..