تمام يا باشا انا ظبطلك الإكسبرت
الإكسبرت فى المرفقات
فكرة الإكسبرت بإختصار انك من الإعدادات حتحدد نوع صفقة البداية من firstorder لو خليت قيمتها 0 حيفتح اول صفقة شراء ولو خليتها 1 حيفتح اول صفقة بيع
وحتحدد اللوت والستوب لوس والتيك بروفيت لكل صفقة
وحيفتح قصاد كل صفقة مفتوحة صفقتين سل ستوب وباى ستوب
لو كانت الصفقة المفتوحة شراء
حتكون صفقة الباى ستوب عند التيك بروفيت لصفقة الشراء
وصفقة السل ستوب عند الستوب لوز لصفقة الشراء
ولو كانت الصفقة المفتوحة بيع
حتكون صفقة الباى ستوب عند الستوب لوز لصفقة البيع
وصفقة السل بتوب عند التيك بروفيت لصفقة البيع
واعتقد بكده حضرتك مش حتحتاج لعمل كمية عقود متراكمة وتحديدها 4 او 5 او اى عدد
لإنه طول ما الإكسبرت شغال وفى صفقة مفتوحة حيكون قصاد كل صفقة صفقتين باى ستوب وسل ستوب
وما تقلقش طبعاً تم مراعاه فروق السبريد فى الإكسبرت يعنى بمجرد ما اى صفقة حتحقق التيك بروفيت او تضرب الستوب لوس الصفقة اللى قصادها حتتفح علطول
ملحوظة : ممكن وانت بتعمل باك تست للإكسبرت يظهرلك فى الجورنال الخطأ ده : "OrderModify error 1"
ده على فكرة مش خطأ خالص ومتقلقش منه وتفسيره برمجياً ان الصفقة متعدلة اصلاً ومافيش حاجة يعملها !
حتى فى مكتبه الـ MQL تفسيرة : "No error returned, but the result is unknown."
وفى الريبورت مش حتلاقى اى خطأ بسبب الإكسبرت
اتمنى اكون قدمت الإكسبرت بالشكل المطلوب وزى ما انت عايز بالظبط
واسف على التأخير بس الإكسبرت فعلاً كان محتاج شغل
ياريت بس ما تستخدمش الإكسبرت نهائياً الا لما تتأكد انه شغال بالطريقة المطلوبة
وتجريبة فترة كافية جداً على الديمو