أنا دخلت الصفقة معاك وكنت بايع قبلها عند 1.3114 .. دخلت صفقة شراء بناء على توصيتك وأشتريت عند 1.3074 وكنت متردد لإن الكل كان بيقول الإتجاه هبوط .. السعر نزل أكتر من مرة ودخلت تبريد فى صفقة وأتنين لكن رصيد حسابى لم يستحمل كل هذا الهبوط حتى وصل مجموع النقاط اللى خسرتها فى التلات صفقات فوق ال 400 نقطة والحساب تم إغلاقه .. بس عايز أقول حاجة .. عارف إن كل واحد فينا بيجتهد وبيعمل اللى عليه وف الأخر الربح والخسارة دى بتاعة ربنا .. لكن تحفظى "الشديد" هو درجة الثقة اللى حضرتك كنت عليها وكل مرة كنت بتؤكد إن السعر هايطلع وإن أقصى هبوط هايكون عند صفقة التبريد التانية (عند 1.2970) والسعر نزل بعدها ما يقارب ال 100 نقطة فى الصفقة الواحدة .. مافيش ما يمنع إن الواحد يراجع حساباته مرة أخرى و ع الأقل لو عنده نسبة شك كان ينقلها للناس عشان كل واحد يعمل حسابه لكن درجة الثقة اللى نقلتها ليا كانت السبب فى إستمرارى بالصفقة .. على كل حال الحمد لله على كل شئ.