بصراحة أنا موافق و مؤيد جدا لهذه القرارات وأهم قرار هو أن قرارات الرئيس غير قابلة للطعن
انتوا عاوزين رئيس بدون صلاحيات وكمان بتطالبوه ينفذ مسئولياته طيب ايزاى ؟!
ياجماعة ساعدوا الرجل خلوه يقدر يواجه هذا الإرث الضخم من الفساد المستشرى فى جميع أرجاء البلاد
بدل ماننزل نعطل ونعمل بلبلة وفوضى فى البلد ونربك الدنيا أكثر
أتحدى أنى فى واحد يقولى أنه دخل شركة قديمة وفاشلة كمدير علشان يصلحها وقدر يصلح بنفس الأشخاص والمديرين اللى كانوا قبل منه قاعدين يخربوا بقالهم 30 سنة مش لازم أغير الكوادر و أدى لنفسى صلاحيات ولا أفضل صورة ومسخ وكل واحد يعمل اللى فى دماغه ومتوالية الفشل تستمر الى ما لا نهاية
أنا شايف نسيب الريس ياخد صلاحياته المطلقة وادواته اللى هو طلبها بنفسه وبعدين نيجى نحاسبه مش نعترض لمجرد انه ادى لنفسه صلاحيات وده من حقه وننزل نثور وكأنى فعلا الثورة مش هتنتهى والشعب لما يصدق يتلكك فى أى حاجة علشات ينفس عن كبت السنين اللى فاتت
أنا عن نفسى مش فاضى أنزل لأانى شغال وببنى فى بلدى ولو فاضى مش هستغلها فرصة وانزل اعطل المسيرة