بسم الله الرحمن الرحيم هنبدأ كل فتره او كل يوم بقليل من المعلومات عن النموذج ده من الشارتات..هنعرض فترات مختلفه منه دلوقتى بس الأول لازم نعرف ان النوع ده من الشارتات بيحدد مستويات الدعم والمقاومه المهمه جدا اللى قابلها السعر فى الفتره اللى فاتت..يعنى فى الـ 3 نمازج اللى هعرضهم دلوقتى بيبين على الشارت مستويات الدعم المقاومه اللى قابلها السعر فى خلال 3 شهور فاتت.يعنى بيعرضلك تاريخ العمله فى 3 شهور قدامك وازاى كان سلوك السعر معاها وياترى دلوقتى هيكسرها ولا هيرد منها.. النموذج الأول لشارت 10 دقايق.. طبعا الصوره اخدتها من الشارت دلوقتى.يعنى بتاريخ النهارده النموذج التانى لشارت 20 دقيقه شارت 20 دقيقه لنفس العمله وهى اليورو دولار دلوقتى النموذج التالت لشارت 25 دقيقه وطبعا واضح ان فى فرق بينهم حيث ان الذبذبه بتقل على الشارت وكل ما الفريم بيزيد بيعطيك الشارت المستويات الأكثر اهميه فقط.. أهم حاجه مننساش ان النوع ده من الشارتات مش مرتبط بالوقت.هو مرتبط بالسعر فقط.. بمعنى ان كل شمعه بتتكون لما السعر بيتحرك كميه معينه من النقاط يعنى فريم الــ10 دقايق متبرمج على ان كل شمعه تتكون لما السعر يتحرك 10 نقط وفريم الــ 20 دقيقه متبرمج ان الشمعه تتكون لما السعر يتحرك 20 نقطه فقط وهكذا وملحوظه تانيه:الشمعه الهابطه على فريم 10 مثلا بتتكون لما السعر يتحرك 10 نقط تحت قاع الشمعه اللى قبلها والشمعه الصاعده على فريم 10 بتتكون لما السعر بيتحرك 10 نقط فوق قمة الشمعه اللى قبلها وهكذا وبكده نكون انتهينا من الكام معلومه اللى كنا عايزين نقولهم النهارده الدرس الجاى ان شاء الله هنتعلم ازاى نعمل الشارت ده عندنا على المنصه.يعنى اللى هيتابع يكون جاهز بمنصه فاضيه مخصصه لرسم الشارتات واعذرونى على اى اخطاء املائيه بالتوفيق ان شاء الله