أخيرا حد اهتم إنه يبرمج الإكسبيرت رقمي بعيدا عن الرينكو ؟
الحمد لله ..
بجد أنا متشكر جدا لمشاركتك دي يا باشمهندس ..
الموضوع بسيط جدا ..
هنعمل step معين
و طبعا الـ step ده هيبقى خيار في الإكسبيرت خارجي
أول ما بشغل الإكسبيرت هيدخل صفقة في أي اتجاه ... ممكن برضه نخلي دي خيار خارجي .. أخليه يبدأ باي أو سل
هنفترض إنه بدأ باي ... أول ما يبدأ صفقة باي .. هيعمل بنفس رينج الستب اللي محددينه صفقات معلقة بلوت ثابت على طول الطريق
يعني إيه !؟
يعني افترضنا الستب 10 نقاط ... هندخل باي من السعر الحالي
كل 10 نقاط فوق هيكون فيه أمر معلق باي بنفس اللوت
مع الأخذ في الاعتبار إن الطريقة الوحيدة لإغلاق الصفقات كلها على بعضها هي ستوب لووز ثابت و هيكون برضه خيار خارجي و هيكون الستوب لووز ده = (ضعف الستب + السبريد) بالنسبة لآخر صفقة مفتوحة
تعالى نجيب مثال :
فتحنا باي ستب 10 ستوب لووز 22
السعر اتحرك فوق 40 نقطة
بالتالي إحنا دلوقتي فاتحين 5 صفقات باي ( أول صفقة + 40 نقطة بـ 4 صفقات جديدة ) تمام ؟
بالنسبة لآخر صفقة باي مفتوحة السعر قلب عليها 22 نقطة بالسالب
نقوم نقفل كل كل الصفقات الباي كلها مرة واحده ... و نبدأ من النقطة دي نفتح صفقة واحده بيع
و نبدأ نعلق صفقات بيع على بعد ثابت اللي هو الستب بتاعنا اللي هو 10 نقاط على سبيل المثال
و هكذا .....
ألخص الموضوع تاني :
- عندنا صفقات معلقة بيع أو شراء على بعد ثابت 10 نقاط ... و عند انعكاس السعر 22 نقطة في الاتجاه المعاكس يتم غلق جميع الصفقات المفتوحة و فتح صفقة جديدة في الاتجاه المعاكس و تعليق اوردرات جديدة على بعد 10 نقاط في الاتجاه المعاكس ....
- الطريقة الوحيدة لإغلاق اي صفقة هل الستوب لووز
- الستوب لووز بيعتمد على آخر صفقة مفتوحة فقط و على إثرها يتم غلق جميع الصفقات المفتوحة إذا انضرب الستوب لووز بتاع آخر صفقة
- البعد بين الأوامر المعلقة خيار خارجي ، و الستوب لووز برضه خيار خارجي
* يارب اكون عرفت أسهل المأمورية شوية .. ولو كنت حاسس إنك تايه كلمني و أنا هشرحلك أكتر ...
و بالله عليك منتظرين الإكسبيرت ده النهارده قبل بكره ... معلش أنا عارف إننا هنتعبك معانا شوية ، بس زي مانت شايف الموضوع بقى مولد و صاحبه غايب و الكل مشتت ...
بالتوفيق ...