 |
 |
|
 |
|
تمام يا غالى النموذج Bat .. ونعتمد فى تفرقة النماذج .. على تصحيح النقطة B ومنها ياتى توقع نسب D
اخى الفاضل .. الموضوع هدفه تعليم التحليل بالهارمونيك وليس استراتيجية بها عدد من الشروط تتحق حتى تدخل الصفقة.. يجب ان تفهم ذلك جيدا حتى تستمر معنا .. بمعنى .. اننا نضع القواعد .. وانت عليكم التحليل واحنا معاك طبعا  .. المهم بالنسبة للزوايا دى اخر حاجة تفكر فيها دلوقتى لما تفهم وتتقن الهارمونيك لان والله الهارمونيك ليس بالفن السهل فبفضل الله قدرت ابسطة فى الموضوع لكن هو محتاج تدريب .. كبير حتى تتقنة وتقدر تفهم النماذج بشكل كويس على فكرة الموضوع فيه شرح لحاجات كثيرة جدا ومازال ايضا امامى شرح اقدمة لكم وذلك بجانب الصفقات والتحليللات طبعا التى ندخلها .. فارجوا ان تقرا الموضوع بشكل جيد .. وانا هنا متواجد لاى استفسار ان شاء الله |
|
 |
|
 |
علي فكرة لما قولتلك ان وصلت للصفحة ال 18, فانا مفوتش مشاركة فيهم الا وقرأتها وفهمتها كويس اوي, وكمان الحاجات المهمة انا بكتبها, عشان استوعبها
ده بالنسبة للجزء النظري اللي موجود في الموضوع, لكن اكيد التطبيق هيختلف, لانه محتاج ممارسة وتدريب, فعشان اتقنه زي ما انت بتقول فهيبقي محتاج وقت وتدريب, وأكيد في بداية التطبيق هيبقي في مشاكل, لكن مع الوقت ان شاء الله الدنيا هتبدأ تنور بأذن الله
بس في بداية تعلم اي حاجة, انت بتدي الواحد شوية شروط وينفذها ويمشي عليها, وبعد كدة لما يتقنها بيبدأ هو ينطلق لوحده, وهديك مثال بسيط, لو بتعلم واحد السواقة مثلا, فهتلاقيه بيلاقي صعوبة لما ييجي يركن العربية, فانت هتعلمه مثلا شوية شروط, انه مثلا يخلي العربية مش عارف عند نقطة معينة ويروح لافف الدريكسيون لفة معينة, وهو هيمشي عالشروط دي عشان يركن العربية, لكن مع الوقت بقي بيكون اخد الخبرة الكافية والاحساس بالطريقة وهيبدأ هو يشوف الاحسن له وينفذه
نفس الفكرة هنا برضه, أكيد احنا لسة في البداية فهنلتزم الاول بالشروط الواضحة في الموضوع, لحد ما نوصل للنقطة اللي انت عايزنا نوصلها وهي اننا نتعلم فن الهارمونيك نفسه, مش استراتيجية معينة, وان شاء الله ده يحصل مع الوقت والتدريب
بخصوص حتة الزوايا, كل اللي كنت عايز اوصله, ان دي ملاحظة يعني خدت بالي منها بس لحد الصفحة اللي قرأتها مكنتش لاقيتها يعني, ولي عودة ان شاء الله بالاسئلة