السلام عليكم و رحمة الله و بركاته
اخوانى اعضاء منتدى اف اكس ارابيا
ان شاء الله سيكون منتدى اف اكس ارابيا انطلاقا لرحلة فوركسية أسأل الله ان يكتب لها الاستمرار و التوفيق
ان شاء الله انا هكون قائد الرحلة و أسأل الله ان يعيننى على المجهود المطلوب
اسلوب العمل هيكون واضح و بادارة رأس مال صارمة جدا
طريقة العمل
أنا أعتمد فى تحليلى على المستويات السعرية القوية فقط لا غير (الدعوم و المقاومات)
الدخول بيكون مع كسر اوالارتداد من احد تلك المستويات مع الاحتفاظ بالستوب بعد مستوى أخر قوى و الهدف عند اول مستوى قوى ممكن ان يرد السعر
دى أبسط طريقة للتعامل مع السوق و الحمد لله حققت بيها نتائج ممتازة و ان شاء الله ربنا هيوفقنا بيها فى رحلتنا
ادارة رأس المال
بداية الرحلة هتكون 500 دولار
اللوت 0.02 اى 20 سنت للصفقة الواحدة بحد أقصى 3 صفقات
الهدف هيكون من 25 الى 30 نقطة + السبريد
الستوب هيكون ثابت لا يتغير 30 نقطة + السبريد
يعنى أعلى مخاطرة هتكون 4.5% باذن الله
هدفنا اليومى هو 50 نقطة يعنى 10 دولار(2%)
الهدف الشهرى هيكون تحقيق 50% و دى نسبة صعب جدا الحصول عليها لكن باذن الله لا يوجد صعب فى اف اكس ارابيا
ان شاء الله سيتم متابعة الحساب على موقع MT4 عشان تكون المتابعة أسهل بدل من الدخول على منصة التداول و ورقم الحساب و باسوورد الانفستور هتكون موجودة فى توقيعى لمن يريد ان يتابع معى على منصة التداول
هيكون فى سحب لنص الحساب كل تدبلتين ما عدا اول تدبيلة سيتم سحبها
باذن الله كالتالى
من 500 الى 1000 و نسحب ال 500
من 500 الى 1000
من1000 الى 2000 ثم نسحب 1000
من1000الى 2000
من2000 الى 4000 و نسحب 2000
و هكذا
......
أرجو سماع اى استفسار او تساؤل عن الرحلة
نسأل الله التوفيق
الله الكريم